Alîkariya 400 malbatên koçber li bajarê Kobanê

/0 Comments/in , /by
Di nava pêleke mezin a koçberiyê de ku di destpêka Çileya 2024’an de dest pê kir, bi deh hezaran welatiyên Efrîn û Şehbayê ji bo lêgerîna ewlehî û aramiyê li herêmên Bakur û Rojhilatê Sûriyê ji cihên xwe koçberbûn. Xebatên Heyva Sor a Kurd di van rewşên mirovî yên zehmet de wekî aktorekî sereke di pêşkêşkirina piştevanî û alîkariyê de destnîşan dike, ji ber ku ev hewldan piştgiriyeke mezin ji Heyva Sor a Kurdistanê werdigirin.
Rêxistina Heyva Sor a Kurd xizmetên lezgîn ên tenduristî û alîkariyê li hemû deverên ku koçber bûne pêşkêşkir û herî dawî pêdiviyên 400 malbatên koçber li bajarê Kobanê ji şîrê zaokan, hefad û cilên mezin û zarokan peyda kir û hin barê li ser wan sivik kir.

286 zarok sûdmend ji belavkirina şîr li bajarê Tepqayê

/0 Comments/in , , /by

Tîmên Heyva Sor a Kurd kampaniya belavkirina şîrê zarokan li malbtên penaber berdewam dike û hejmara sûdmendan ji xizmetên belavkirinê û hişmendiya tendurstî di nav de biroşor, gihaşt (285) zarokî li bajarê Tepqa.

 

47 malbatên sûdmend li bajarê Hesekê ji belavkirina şîr

/0 Comments/in , , /by
Kampaniyên Heyva Sor a Kurd ji bo pêvçûna bi koçberên Efrînê û Şehbayê ve li hemû herêman berdewam dikin, di nav de belavkirina şîr li ser zarokên di bin salekê re, li gorî listeyeke navan ku temenên zarokan ji her du zayendan e .
kampanyayeke hişyarkirinê bi Kampaniya belavkirinê re tê ku li ser girîngiya şîrê dayikê û pêşniyarên ji bo bikaranîna şîrê qutiyan û xwarina saxlem bi rêya belavkirina broşuran tê lidarxistin, ku hejmara sûdmendên ji vê kampanyê gihîştiye (47) malbatî li bajarê Hesekê.
 
 

çalakiyeke taybet bi zarokên telasîmiyayê

/0 Comments/in , , , /by

Pêşbaziyên perwerdehî û kêfxweşiyê, şanoya lîstokan û diyarî ji bo xurtkirina baweriyê, ruhê beşdariyê, hevkarî û tevlîbûna bi zarokan re, di nava ahengeke taybet de ji bo zarokên telasîmiyayê ku tîma piştgiriya psîkolojîk bi koordîne û hevkariya tîma artêst li Nexweşxaneya Onkolojî, şewat û Telsîmiyayê pêkanîn .

belavkirina hin pêdiviyên zarokan li koçberên Şehbayê

/0 Comments/in , /by

Li kêlek xizmetên lênerîna tendurstî , tîmên Heyva Sor a Kurd pêşkêşkirina alîkariyê berdewam dike û pakêtên ji hefadên zarokan pêk tên li ser 43 malbatên koçber ên Efrîn û Şehbayê li 4 navendên wargehî , belavkirin.

Rojek sax ji dermankirina Feysel li nexweşxaneya Onkolojî , Şewat û Telasîmiya

/0 Comments/in , , , /by
Feysel ê 19 salî, ev nêzî salekê ye ku li Nexweşxaneya Onkolojî, şewat û Telasîmiyayê y a Girêdayî Heyva Sor a Kurd xizmeta bijîşkî distîne. Piştî ku wî ev tecrube jiyan kir, xwest ku em rojekê sax ji dermankirina wî wek beşekî ji jiyana wî ya rojane bibînin. Ne tenê ji bo balê bikişîne ser zehmetiyên ku rastî wan tên, herweha ji bo ku bala dê û bavan bikşîne ser lêpirsîna zû û destwerdana lezgîn, ku ji bo başkirina tenduristî û jiyana zarokên telasîmiyayê girîng e. parvekirina Fêsel ji serpêhatiya wî re bangeke lezgîn e di warê pêşkêşkirina lênerîna tenduristî û piştgiriya pêwîst ji van zarokan û malbatên wan re. Hêjaye gotinê ku nexweşxane xwînê rojên Duşem û pêncşeman digre.
 
 
https://www.youtube.com/watch?v=Zfw-iYljqmA&t=14s

Tîmên perwerdeya tenduristiyê li ser girîngiya zû naskirina pençeşêra pêsîrê rûniştinên hişmendiyê didomînin

/0 Comments/in , , /by

Êkîpên perwerdiya tenduristiyê yên Heyva Sor a Kurd bi taybetî di meha Cotmehê de ku bi navê “Meha Pembe” tê naskirin, di hişyarkirina pençeşêra pêsîrê de rolek girîng dilîzin.
Bi organîzekirina çalakî û semîneran, ev êkîp hewl didin ku zanyariyan li ser girîngiya tespîtkirina zû û pêşîlêgirtina vê nexweşiyê zêde bikin.
Jinên li kampan û civakên herêmî ji van hewldanan sûd werdigirin, encama wê jî avakirina civakek saxlemtir û ewletir ji vê nexweşıyê.
ev çalakî ne tenê semînerên hişyariyê ye, lê di heman demê de jî serdanên malan jî hene, ku piştrast dikin jib o ku ku agahdarî bigihîje beşa herî berfireh ji civakê.
Hişyariya de barê penceşêra pêsîrê dikare jiyana gelek kesan biparêze , û dihêle hêza civakê lı dıjî vê metirsiya tenduristî xortir bibe.

Rapora encamên projeya hevgirtina civakî

/0 Comments/in , /by

 

Beriya çend mehan Rêxistina Heyva Sor a Kurd dest bi rêbazeke piştgirî û hevgirtina civakî kir  ku tê de qutiyên alîkariyê li saziyên sivîl, dikan, xwaringeh û cihên din ên ku rasterast têkiliya wan bi civakê re hene danî , bi armanca piştgiriya nexweşxaneya Onkolojî, Şewat û Telasîmiyayê da ku bikaribin nexweşên penceşêr û telasîmiyayê ji hemû herêman werbigrin û wan derman bikin.

 Projeya hevgirtina civakî bi alîkariya aliyên mêvandar hatiye pêkanîn , lewra komîteya projeyê heta niha nêzî 70 sindoqên alîkariyê li hemû bajar û bajarokên bakur û rojhilatê Sûriyê belav kiriye , ji ber wê jî yekem pêvajoya vekirina qutiyan ji  1/9/2024 heta 4/9/2024 bi rêya mekanîzmeyeke vekirinê yekbuyî li hemû herêman hat pêkanîn û miqdarên pereyên ku hatine danhev 67,026,000 lêreya Surî û  12,940 $  dolarê Emrîkî û 49 Ewro bû.

Ev xebata civakî ya mirovahî dê  alîkariya nexweşxaneyê bike ku nexweşan werbigire û dermanên kîmyawî û yên wekî din ji wan re peyda bike, ku ev alîkarî  60 %  ji hewcedariyên nexweşxaneyê derdora mehekê ji derman û pêdiviyên bijîşkî yên din peyda dike.

Tişta ku proje wek pêngavek destpêkê bi dest xist, destkeftiyek girîng e hêjayî pesindayînê ye, ji ber ku nîşan daye ku tevî hemû zehmetî û şert û mercan, bi hevkarî û hevgirtinê em dikarin bigihîjin armancan. Berdewamkirina hewldanan û lêgerîna ji bo başkirina pêdiviyên mayî, girîngîya civakê di dagirtina valahiyên tenduristî de radixe ber çavan û şopeke serkeftî ya mirovahî dihêle.

“Em ji bo nexweşên Penceşêr û Telasîmiyayê bibin alîkar” projeyeke civakî mirovahî ye

/0 Comments/in , , /by

Alîkarî, yek ji karên mirovî yê herî pîroz e ku di piştgiriya saziyên tenduristiyê de dibe alîkar , bi taybet di warê lênerîna nexweşên kanserê de. Nexweşxaneya Onkolojî, şewat û Telasîmiya ya girêdayî Heyva Sor a Kurd a li bajarê Qamişlo jî ,ji bo nexweşên ji hemû herêman stargeha hêvî û navnîşana dermankirinê ye. Lê ji bo peydakirina lênihêrîna pêwîst ,pêwîstî bi çavkaniyên madî yên mezin heye. Lewra alîkariya nexweşxaneyê, dermanên bi bandor peyda dike ,gihaştina hejmara herî mezin a ji nexweşan berfirh dike û hişmendî û girîngiya şopandin û dermankirina ji nexweşiya penceşêrê pêşdixe , ku bi awayekî erênî li ser civakê bi tevahî nîşan dide.

Xizmetên Navenda Lênihêrîna Tenduristiya Seretayî ya Cirniyê

/0 Comments/in , , , , , /by

Navenda Heyva Sor a Kurd ku xizmeta şêniyên navçeya El-Cerniye û 69 gundên derdora wê dike, yek ji aliyên ku xizmetên tenduristiyê yên seretayî yên baş pêşkêş dike, hejmara şêniyên ku ji van xizmetguzariyan sûd werdigirin. Nêzîkî 43 hezar kesî ne, û rojane nêzîkî 200 nexweş li beşên cuda tên pêşwazîkirin. Di nav bera kilînkên hundirîn, jin û zarok , beşê lezgîn û jidaykbûna xwezayî .Herwiha pêşkêşkirina perwerdehiya tenduristî li hundir û derveyî navendê û despêkirina rûniştinên piştgiriya derûnî, laboratûwarek ji bo pêkanîna analîzan û dermanxaneyek jî heye. Ji bo veguheztina bilez û bilez ji bo rewşên acîl, ambûlansek 24 saetan ji bo ku nexweşan veguhezîne nexweşxaneyên li Tebqayê, ku 68 km dûrî navendê ye, an jî Reqa, ku 100 km dûr e.
Hebûna navenda Heyva Sor a Kurd li vê herêmê weke faktoreke diyarker ji bo baştirkirina kalîteya lênerîna tenduristiyê ji xelkê re tê dîtin û ev yek jî dibe alîkar ku şêniyên herêmê li ser girîngiya pêşîlêgirtin û lênihêrîna bingehîn a tenduristiyê bidin zanîn.