kampanya erê ji bo jiyanê bidawî bû

/0 Comments/in , , , /by
Ji bo pêkanîna bandoreke erênî di civakê de bi rêka perwerdekirina ciwanan, pêşxistina hişmendiya xetereyên madeyên hişbiriyê, teşwîqkirina jiyana tendurist û dûrxistina ji kişandina wan , Û pêşxistina nirxên erênî û hevkariya civakê ji bo têkoşîna li dijî vê pirsgirêkê, Heyva Sor a kurd însiyatîfa li dijî dermanên hişbirî bi navê “Erê ji jiyanê re”lidardixe
Ev insyatîf bi hevkariya Komeleya “lemesat Al Xeyr re Ji bo Alîkarî û Pêşvebirinê li bajarê Reqayê hat despêkirin , înîsiyatîf 5 taxên bajarê Reqayê hedef digire “Taxa Bedû, taxa Diriya, taxa muxteleta, taxa Firatê, taxa Rumayla” ku di riya rûniştinên dirêj re ji bo ciwanan pêk tîne ku Ji her taxeke herî kêm bîst ciwan û jin têde amade dibin .
 

Heyva Pembehî

/0 Comments/in /by

Di Meha Pembe de danasîna penceşêra pêsîrê li kamp û navendan didome
Meha cotmehê wekî meha pembe tê binavkirin, û ew mehek e ku tê de kampanyayên tenduristiyê hewildan ku piştgiriyên pêwîst pêşkêş dıbın ji bo hişyarkirina metirsiya penceşêra pêsîrê û perwerdekirina derbarê pêşîlêgirtina wê.
Di çarçoveya vê hewldanê de, ekîbên perwerdehiya tenduristiyê kampanyayên hişyariyê li ser penceşêra pêsîrê tevî belavokan ku pêşkêşî jinên kampên li Bakur û Rojhilatê Sûriyê, da ku wan li ser vê nexweşiyê û çawaniya naskirina wê jı destpêkê de têghîştî bıbın, ji bilî tedbîrên ji bo pêşîlêgirtina wê, bi serdanên li hundirê konan, her wiha dema serdana wan jınan lı navendên Heyva Sor a Kurd ku li her kampan hene.

Bi hêviya ku şahî vegere dilê Fereh a biçûk

/0 Comments/in , , , /by

hedefgirtina herêmên sivîl pirê caran dibe encama gelek windahî û birîndariyên giran di nava sivîlan de û piştî topbarana bêserûber ji aliyê dewleta Tirk ve li dijî binsazî û herêmên sivîl ên Bakur û Rojhilatê Sûriyê di 4 -10 – 2023’an de ku çend rojan dewam kir, gelek qurbanî û birîndar bûn, yek ji wan jî Fereh a çardeh salî bû ku ji gundê xwe El-Xeybiş ê girêdayî Til Temîrê tevî dê û bavên xwe koçber bûn dema bajarê Serêkaniyê hate dagirkirin, û ew herêm dihat topebaran kirin.
Careke din toparan pey wê ket dema wê li gundê El-Bişêrya ê girêdayî bajarê Dirbêsiyê alîkarya dayika xwe di komkirina pembo de dikir rokêtek di 5-10-2023an de li wan ket û di encamê de herdû lingên xwe winda kir .
Ferah ji milê tîma rewşên awarte û lezgîn ve ya Heyva Sor a Kurd li Dirbêsiyê hat rakirin ji nexweşxaneyekê re li bajarê Hesekê û tîmeke bijîşkî girêdayî Heyva Sor a Kurd ku ji bijîşkê hestî , fizyoterapist û ekîbeke piştgrya derûnî pêk tê hate erkdarkirin ku rewşa tedawî kirina wê bişopînin û piştevaniya wê bikin heta avakirina protezên jêrîn ji bo wê û bi hêviya ku şahî vegere dilê Fereh

“Serlêdana zû .. gavek bi hezar gavî ye “

/0 Comments/in , , /by

Penceşêra pêsîrê di cîhanê de yek ji kansera herî berbelavbuyî ye. Ew ne tenê nexweşiyek e, li ser jiyan û tenduristiya jinê xeteryeke mezin e. Ji ber vê yekê, têgihîştina vê nexweşiyê û hişyarkirina nîşanên wê û rêyên pêşîlêgirtina wê ji bo her jinek û ji bo civakê bi tevahî pêwîstyeke mezine . cudabûna penceşêra pêsîrê ku di şaneyên girêkî ên sîngê de mezin dibe,, û dibe ku ew zû li beşên din ên laş belav bibe ger ku zû neyê naskirin û dermankirina bilez neyê peyda kirin.
Ji vê helwêstê û ji giringîya tenduristiya jinan, Komîteya Jinan a Heyva Sor a Kurd her tim di meha pembehî cotmehê de kampanyayên berfireh ên hişyarkirina nexweşiyê li dar dixe, li ser hişyarî û naskirina zû ya penceşêra pêsîrê.ku Sernavê îsal “Serlêdana zû .. gavek bi hezar gavî ye ” û di kampanyayê de dewreyên hişyarkirina jinan, belavkirina broşuran û dalqandina fîlêksên hişyarkirinê û naskirina Navenda Mamograf ya Heyva Sor a Kurd pêk tên.

Di derbarê zirarên sezeryan de kampanyayek hişyariyê

/0 Comments/in /by

jidayikbûna bi sezerînê li seranserî herêmên Bakur û Rojhilatê Sûriyê zêde dibin û ev yek di demeke dirêj de bandoreke neyînî li tenduristiya jinan dike, bi armanca bilindkirina asta perwerdeya tenduristiyê li herêmên Şehba û Cezîrê, tîmên perwerdeya tenduristiyê ên girêdayî Heyva Sor a Kurd û bi hemahengiya Komîteya Jinê, rêzek ji dersên hişyariyê li ser erêniyên jidayikbûna xwezayî û şîrê dayikê û nerêniyên sezeryan û xwarina sûnî pêşkêş kirin û bi hezaran broşurên hişyariyê di nava kampan gundan, her wiha xalên tenduristiyê yên girêdayî Heyva Sor a Kurd belav kirin.

li ser girîngiya şîrdana xwezayî perwerde berdewam e

/0 Comments/in /by
Şîrkirin yek ji baştirîn veberhênanên jiyanê ye. Bi taybetî pêşxistina tenduristî, civakî û aborî.
Di çarçoveya çalakiyên Hefteya Şîrkırına xwezeyî de di meha Tebaxê de, tîmên perwerdeya tenduristiyê li nuqteyên Heyva Sor a Kurd ên li kampên Bakur û Rojhilatê Sûriyê li ser dayîna agahî û şîretan pêşkêşî dayikan dıkın di dema serdana wan nuqteyan dıkın, di nav de hişyarkirina nexweşiyên demsalî wekî navçûyın, û belavokan li wan belav dike.
Şîrê dayikê ji bo pitikan xwarina herî guncaw e, ji ber ku ew ewle û paqij e, û di nav xwe de antîkor hene ku ji gelek nexweşiyên ên zaroktiyê diparêzin.
Her weha şîrê dayikê di mehên yekem ên jiyanê de hemî enerjî û xwarinên ku zarokek hewce dike peyda dike, û di nîvê duyemîn a sala yekem de heya nîvê zêdetirî hewcedariyên xwarinê yê zarokê peyda dıke, û di sala duyemîn de jî heya sêyeka sêyem berdewam dike.

Îsal hıjmara nexwşên leşmanya yê SIFIR bû lı Tıl temrê û derdorawêDi

/0 Comments/in , /by

sala 2022an de li bajarê Tel Temrê û gundewarê wê gehiştî bû nêzî 20,000 haletên nexweşiya leşmanya yê ê, ji ber qirêjıya ava çemê Xabûrê ew jî jı ber qutkırına avê jı alıyê dewlet tırk , ji bilî nezanîna xelkê bı gırtına tedbîrên li dijî leşmaniya yê û çawanıya dermankirin wê.
Navenda Heyva Sor a Kurd di encama xebatên tîma perwerdehiya tenduristiyê û gera xwe ya li malan ya di nava salekê de, îsal bû sedem ku ev belayê hew derbıkeve, ji xwe Heyva Sor a Kurd di sala borî de gelek xızmet der barê peydakırına dermanan û îlackırın pêşkêş kir.
û ji ber ku hinan serî li dermanên kevneşopî û nebatî yên ku nexweşıyan aloztir kır, tîmên bijîşkî şîret dikin ku van adetên şaş dubare nekin, û berê xwe bıdıne navendê jıb o derman û îlackırın eger reşeke vê nexweşıyê carek dın derkeve hole.

bi hev re ji bo tenduristiyeke baş û hawirdoreke paqij

/0 Comments/in , , /by
Em rêxistina Heyva Sor a Kurd li Bakur û Rojhilatê Sûriyê ev çend sal in em projeyên xwe ji bo xelasbûna bi ewle ji bermahiyên bijîşkî û dermanên demborî pêş dixin , Hefteya borî me bi hevkarên xwe re rêxistina UPP, Desteya Tenduristiyê, Navenda Xizmetên Bijîşkan û Komîteya Tenduristiyê ya Girêdayî Şaredariyan re hevdîtin pêk anîn da ku planên nû ji bo xebatên li herêmê pêş bixin û bi awayekî sîstematîk bixebitin.
Ev proje bi armanca parastina tenduristiya giştî û hawîrdorê li herêma me û kêmkirina qirêjiya hawîrdorê û rîskên ku rastî me tên, tê pêkanîn. Em bi karê xwe serbilindin û em hêvî dikin ku ev proje bibe sedema armancên me yên hevbeş ji bo başkirina tendirustî û jîngehê.
Em we vedixwînin ku hûn bi me re di vê projeya girîng de cih bigirin û hişyariyê li ser girîngiya xelasbûna bi ewle ji bermahiyên bijîşkî û dermanên demborî belav bikin. Spas ji bo piştgirî û hevkariya we bi me re.

Hişyariya li ser berxwedana antîbiyotîkê û sorikê berdewam dike

/0 Comments/in , /by

Tîma me ya perwerdehiya tenduristî li ser bilindkirina hişmendiya berxwedana antîbiyotîkê li hemû kampan dixebite û yek ji wan jî kampa Waşokanî ye ku li Rojavayî bajarê Hesekê dikeve, hişyariyê li hember berxwedana antîbiyotîk bilind bike, li gorî tîmê me, berxwedana antîbiyotîk şiyana bakteriyan e ku mekanîzmayên ku wan bikaribe li hember bandorên antîbiyotîkan berxwe bide ,bi serdanên berdewam şêniyên kampê perwerde dike û şîretan pêşkêşdike.
Ji bilî perwerdehiya berxwedana antîbiyotîkê, tîma me ya perwerdehiya tenduristiyê li ser şîret û perwerdehiya derbarê sorikê de perdewamdike ku nexweşiyek pir bi enfeksiyone, ev tê wateya ku pir bi hêsanî ji kesên din re derbas dibe, zarokek an mezinek di riya bêvil û qirikê re.
Û der barê herdu nexweşıyan de, tîmê me piştî ku gera xwe ya meydanî diqedîne, belavokên hişyariyê pêşkêşî wan kesan dike.