kampanya erê ji bo jiyanê bidawî bû
Ji bo pêkanîna bandoreke erênî di civakê de bi rêka perwerdekirina ciwanan, pêşxistina hişmendiya xetereyên madeyên hişbiriyê, teşwîqkirina jiyana tendurist û dûrxistina ji kişandina wan , Û pêşxistina nirxên erênî û hevkariya civakê ji bo têkoşîna li dijî vê pirsgirêkê, Heyva Sor a kurd însiyatîfa li dijî dermanên hişbirî bi navê “Erê ji jiyanê re”lidardixe
Ev insyatîf bi hevkariya Komeleya “lemesat Al Xeyr re Ji bo Alîkarî û Pêşvebirinê li bajarê Reqayê hat despêkirin , înîsiyatîf 5 taxên bajarê Reqayê hedef digire “Taxa Bedû, taxa Diriya, taxa muxteleta, taxa Firatê, taxa Rumayla” ku di riya rûniştinên dirêj re ji bo ciwanan pêk tîne ku Ji her taxeke herî kêm bîst ciwan û jin têde amade dibin .
vekirina navendeke tendurstî li Şêx Meqsûs li Helebê
Ji ber nebûna navendên tenduristiyê li #Helebê li herêmên #Şêx_Meqsûd û #Eşrefiyê, û bi zêdebûna giraniya nirxê dermanan ku bandorê li xelkê wir dike û nekarîne dermanên xwe yên pêwîst peyda bikin, tîmên me yên pizîşkî yên ku li Helebê amade bûn û herêmên di dema #erdheja ku Tirkiye û welatên cîranê wê hejand de qelsbûna şiyanên bijîşkî û acîl ên li taxê dît.
Me navendeke pizîşkî li Helebê vekir ku ji klînîka zarokan, klînîka jinan û dermanxaneyek ku dermanan li gorî reçeteya bijîşk li sûdmendan belav dike, ji bilî jûreyek lezgîn ku 24 demjimêran kar dike ji bo wergirtina rewşên lezgîn. Navend ji bo her klînîkekê di rojê de li her klînîkê 25 sûdmend werdigire.
Bi hêviya ku şahî vegere dilê Fereh a biçûk
hedefgirtina herêmên sivîl pirê caran dibe encama gelek windahî û birîndariyên giran di nava sivîlan de û piştî topbarana bêserûber ji aliyê dewleta Tirk ve li dijî binsazî û herêmên sivîl ên Bakur û Rojhilatê Sûriyê di 4 -10 – 2023’an de ku çend rojan dewam kir, gelek qurbanî û birîndar bûn, yek ji wan jî Fereh a çardeh salî bû ku ji gundê xwe El-Xeybiş ê girêdayî Til Temîrê tevî dê û bavên xwe koçber bûn dema bajarê Serêkaniyê hate dagirkirin, û ew herêm dihat topebaran kirin.
Careke din toparan pey wê ket dema wê li gundê El-Bişêrya ê girêdayî bajarê Dirbêsiyê alîkarya dayika xwe di komkirina pembo de dikir rokêtek di 5-10-2023an de li wan ket û di encamê de herdû lingên xwe winda kir .
Ferah ji milê tîma rewşên awarte û lezgîn ve ya Heyva Sor a Kurd li Dirbêsiyê hat rakirin ji nexweşxaneyekê re li bajarê Hesekê û tîmeke bijîşkî girêdayî Heyva Sor a Kurd ku ji bijîşkê hestî , fizyoterapist û ekîbeke piştgrya derûnî pêk tê hate erkdarkirin ku rewşa tedawî kirina wê bişopînin û piştevaniya wê bikin heta avakirina protezên jêrîn ji bo wê û bi hêviya ku şahî vegere dilê Fereh
“Serlêdana zû .. gavek bi hezar gavî ye “
Penceşêra pêsîrê di cîhanê de yek ji kansera herî berbelavbuyî ye. Ew ne tenê nexweşiyek e, li ser jiyan û tenduristiya jinê xeteryeke mezin e. Ji ber vê yekê, têgihîştina vê nexweşiyê û hişyarkirina nîşanên wê û rêyên pêşîlêgirtina wê ji bo her jinek û ji bo civakê bi tevahî pêwîstyeke mezine . cudabûna penceşêra pêsîrê ku di şaneyên girêkî ên sîngê de mezin dibe,, û dibe ku ew zû li beşên din ên laş belav bibe ger ku zû neyê naskirin û dermankirina bilez neyê peyda kirin.
Ji vê helwêstê û ji giringîya tenduristiya jinan, Komîteya Jinan a Heyva Sor a Kurd her tim di meha pembehî cotmehê de kampanyayên berfireh ên hişyarkirina nexweşiyê li dar dixe, li ser hişyarî û naskirina zû ya penceşêra pêsîrê.ku Sernavê îsal “Serlêdana zû .. gavek bi hezar gavî ye ” û di kampanyayê de dewreyên hişyarkirina jinan, belavkirina broşuran û dalqandina fîlêksên hişyarkirinê û naskirina Navenda Mamograf ya Heyva Sor a Kurd pêk tên.
Bi hêviya ku şahî vegere dilê Fereh a biçûk
hedefgirtina herêmên sivîl pirê caran dibe encama gelek windahî û birîndariyên giran di nava sivîlan de û piştî topbarana bêserûber ji aliyê dewleta Tirk ve li dijî binsazî û herêmên sivîl ên Bakur û Rojhilatê Sûriyê di 4 -10 – 2023’an de ku çend rojan dewam kir, gelek qurbanî û birîndar bûn, yek ji wan jî Fereh a çardeh salî bû ku ji gundê xwe El-Xeybiş ê girêdayî Til Temîrê tevî dê û bavên xwe koçber bûn dema bajarê Serêkaniyê hate dagirkirin, û ew herêm dihat topebaran kirin.
Careke din toparan pey wê ket dema wê li gundê El-Bişêrya ê girêdayî bajarê Dirbêsiyê alîkarya dayika xwe di komkirina pembo de dikir rokêtek di 5-10-2023an de li wan ket û di encamê de herdû lingên xwe winda kir .
Ferah ji milê tîma rewşên awarte û lezgîn ve ya Heyva Sor a Kurd li Dirbêsiyê hat rakirin ji nexweşxaneyekê re li bajarê Hesekê û tîmeke bijîşkî girêdayî Heyva Sor a Kurd ku ji bijîşkê hestî , fizyoterapist û ekîbeke piştgrya derûnî pêk tê hate erkdarkirin ku rewşa tedawî kirina wê bişopînin û piştevaniya wê bikin heta avakirina protezên jêrîn ji bo wê û bi hêviya ku şahî vegere dilê Fereh
Bi peydakirina lênihêrîna tenduristî a rast re, nexweşiya şekir tê derbaskirin
Em li Heyva Sor a Kurd lênerîna tendûristî û peydakirina xizmetên bijîşkî weke armanca xwe ya sereke dinirxînin, Îbrahîm Xidir El-Hemûd ê 50 salî ji şêniyên bajarê Serêkaniyê û li kampa Serêkaniyê ya “Tela’i” ya rojhilatê bajarê Hesekê dimîne. Nexweşê şekir e ku bandor li lingê wî yê rastê kiriye. Ew ji nuqteya Heyva Sor a Kurd lênihêrînê werdigire, ku ekîba bijîşkî dem bi dem serdana wî dike da ku lênihêrînê di beşa ambulansê de werdigire, ji wan paqijkirin û sterilkirina lingê bi bandor, peydakirina dermanên şekir û antî-byotik ji dermanxaneya noqteyê, piştî lêkolînûn û rêwerzên parêzê ji klînîka hundirîn , birêz Îbrahîm dîsa li ser lingên xwe dimeşe, ber bi konê xwe ve diçe, wekî ku ji nexweşiyê re bibêje “ez ê zora te bibim.”
ttps://www.youtube.com/watch?v=UrwpJn3uWjA
Li herêmên Şahba mehane bo 2000 sûdmendên xizmetên pizîşkî pêşkêşdıbın
Yekane navenda pijîşkî li kampa Serdemê, ku girêdayî Heyva Sor a Kurd e, xizmetên pizîşkî yên 24 demjimêran pêşkêşî zêdetirî (3700) awareyên kampê dike, û mehane nêzîkî (2000) sûdmendan di hundirê kampê de werdigire, zarok, jin, ambûlans, dermanxane, û Leishmaniasis, parastin û piştgiriya psîkolojîk
Hêjayî gotinê ye ku karmendên di xala pizîşkî de perwerdehiyê di derbarê xizmetguzariyên pizîşkî de zêde dikin, nemaze bi nêzîkbûna demsala zivistanê, ku hejmara nexweşan zêde dibe ji ber şert û mercên giran ên ku tê de dijîn û dibe sedema gelek nexweşiyên demsalî.
Îsal hıjmara nexwşên leşmanya yê SIFIR bû lı Tıl temrê û derdorawêDi
sala 2022an de li bajarê Tel Temrê û gundewarê wê gehiştî bû nêzî 20,000 haletên nexweşiya leşmanya yê ê, ji ber qirêjıya ava çemê Xabûrê ew jî jı ber qutkırına avê jı alıyê dewlet tırk , ji bilî nezanîna xelkê bı gırtına tedbîrên li dijî leşmaniya yê û çawanıya dermankirin wê.
Navenda Heyva Sor a Kurd di encama xebatên tîma perwerdehiya tenduristiyê û gera xwe ya li malan ya di nava salekê de, îsal bû sedem ku ev belayê hew derbıkeve, ji xwe Heyva Sor a Kurd di sala borî de gelek xızmet der barê peydakırına dermanan û îlackırın pêşkêş kir.
û ji ber ku hinan serî li dermanên kevneşopî û nebatî yên ku nexweşıyan aloztir kır, tîmên bijîşkî şîret dikin ku van adetên şaş dubare nekin, û berê xwe bıdıne navendê jıb o derman û îlackırın eger reşeke vê nexweşıyê carek dın derkeve hole.
Bi piştgiriya Medico International Swîsre, Heyva Sor a Kurd bi rêya klînîkên gerok pêşkêşkirina xizmetên bijîşkî ji xelkê gundên dûrî gundewarê Tebqayê re berdewam dike
Xizmetên Heyva Sor a Kurd li herêmên dûr ên Tebqayê dewam dikin
Gihîştina deverên dûr û gundewarî, bi taybetî yên ku rastî gelek qeyranan hatine, di nav de nebûna xizmetguzariyên pizîşkî ji ber dûrbûna wan ji navendên bajaran, yek ji mezintirîn kelemên ku rastî pêşkêşkırına lênerîna tenduristiyê ye.
Ev e ya ku Heyva Sor a Kurd ji sala 2016an ve hişt ku xizmetguzariyan pêşkêşî van deveran bike ku di nav lîsteya pêşanî û armancan wê de bû, ku bi sedan gundên dûr hatine armanckirin û xizmetguzariyên lênêrîna tenduristiyê yên seretayî pêşkêşî wan tê kirin, û yên ji bo jin û zarokan bi rêya gelek klînîkên gerok ku pê re bûn. ji aliyê ambûlans û tîmên pizîşkî ve ev yek bi rêya bernameyên sabît pêk tê, û yek ji wan deverên armanckirî gundewarê Tebqayê bû, ku tîma klînîka gerok – ku niha ji aliyê Medico International Swîsra ve tê piştgirîkirin – serdana çend gundan dike, ku hinek ji wan nêzîkî 65 km dûrî navenda bajêr e, jı xwe ev xebat berdewame dı demekê de ku xelkên wan Herêman pey tu xızmetên pızîşkî bûn.