Vekirina navenda rewşên awarete û lezgîn li Dêra Zorê

/0 Comments/in /by

 

Sîstema hawarçûnê li deverên dûr, stûneke bingehîn e ji bo peydakirina lênihêrîna bijîşkî ya lezgîn û rizgarkirina jîyanê di rewşên awarte de ye. armanc Heyva Sor a Kurd ku van xizmetan li gorî berfirehiya erdnîgariya heyî li BRS bighîne her derê ,da ku herêmên dûr bigire nava xwe .Bi vekirina navenda rewşên awarte û lezgîn li Dêrazorê re Heyva Sor a Kurd dest bi pêşkêşkirina xizmetên veguhastina nexweşan ji bo nexweşxaneyên Dêrazorê, Reqa û Hesekê kir, ji bilî hêsankirina vegera nexweşan li gundên xwe piştî dermankirinê. Ev yek jî, berpirsyartiya ji bo başkirina bersivdana awarte ya li van deran nîşan dide.

Navenda Tenduristiyê ya Sereke li bajarê Minbicê

/0 Comments/in , , , , , /by
Tenduristyeke çêtir ji bo her kesî! 🌟 Navenda Heyva Sor a Kurd xizmetên pizîşkî yên berfireh pêşkêşî civaka Minbicê dike.
Pirrengiya berfireh! 🩺 Ji klînîkên jineolojî û navxweyî bigire heya klînîkên zarokan, navend ji bo her temenî lênerîna tenduristiyê ya awarte pêşkêş dike!
Dermankirin û gihîştina hêsan! 💊 ku pêşkêşkirina dermanên pêwîst hêsantir buye .
Piştgiriya lezgîn! 🚑 24 demjimêran beşê embulansan dixebite da ku lênihêrîna lezgîn li her dem, li her deverê peyda bike!
Naskirina rast a nexweşyan! 🧪 Laboratoriya navendê muayeneyên bijîjkî yên rast peyda dike da ku tenduristiya civakê misoger bike!
Zêdebûna hişmendiya tenduristî! 📚 Tîma perwerdehiya tenduristiyê ji bo pêşîgirtina nexweşiyan û pêşxistina tenduristiyê dixebite!
Parastina pişkolocîk! 💬 Bi pisporên tenduristiya derûnî re, kesên ku pêşberî zextê tên piştgiryê dibînin û kalîteya jiyana wan baştir dikin!
Cihek pêbawer! 🤝 Navend ne tenê klînîkek e, lê cîhek e ku tenduristiya civakê pêş dixe û hewl dide hewcedariyên her kesî peyda bike!
 
Navenda Tenduristiyê ya Sereke li bajarê Minbicê

Gelinin hedefi

Navenda rewşên awarte û Lezgîn li Reqayê

/0 Comments/in /by

 

Sîstema ambûlans û hawarçûnê ya Heyva Sor a Kurd li bajarê Reqayê wek kevirê bingehîn tê dîtin di bersivdayîna lezgîn û rêkarên pijîşkî yên pêwîst ji bo rizgarkirina jiyanê ji destpêka rizgarkirina bajar û gundewarên wê di sala 2018an de. Ku di vê demê de gelek astengî hat kişandin , lê xizmet bê rawestandin xebitî û ev yek bû alîkar ji bo pakirina asta lênihêrîna tenduristî û pêşkêşkirina xebatên wê ji hemîyan re. Rola ku ev pergal dilîze ne tenê di peydakirina dermankirina demikî de ye, lê di heman demê de li ser bilindkirina hişmendiya civakê û astên amadekariyê ji bo rûbirûbûna rewşa awarte dixebit.

Navenda Tenduristî li bajarokê Şedadê

/0 Comments/in , , , , , , /by

 

Saziyên bijîjkî di peydakirina lênihêrîna tenduristî ji civakan re rolek girîng dilîzin.
Bi taybetî li herêmên ku xizmetên bingehîn li wan peyda nabin.
Di vî warî de, Rêxistina Heyva Sor a Kurd erkekî xurt nîşan dide ji bo pêşkêşkirina xizmetên pizîşkî û tenduristiyê ji nişteciyên Bakur û Rojhilatê Sûriyê re, bi giranî li cihên dûr, di vî alî de navenda lênerîna tendurstî ya sereke li bajarokê Şedadî mînakek e, ji ber ku ew gelek xizmetan pêşkêşî dike, di nav de kilîmkên hundirîn , Jin û zarok, bi qasî 50 sudmendî her roj serdana navendê dikin.
Heman demê de navend ji bo rûbirûbûna kêşeyên tenduristiyê yên demsalî yên wekî nexweşiyên roviyan û sîngê û zikçûnê, ku di havînê de zêde dibin mijûl dibe.
Wekî din, navend xizmetên liberatorê û ambulansê, dermanên pêwîst ji nexweşan re ji dermanxaniya xwe peyda dike, ku ev xebatên domdar ji bo peydakirin xizmetên tenduristî û gihiştina wan bi qasî ku pêkan be ji gelek sûdmendan re.
Navenda Tenduristiyê ya Seretayî ya li gundê Şedadê

Heyva Sor a Kurd kampanyeke berfireh ya pêşxistina civakê pêk tîne

/0 Comments/in , , /by
Bi armanca piştgirtina bersivdayîna lezgîn û lênerîna bijîşkî û peydakirina pêdiviyên kesên ku ji karesatên xwezayî û krîzan bandor dibin , bi piştgiriya rêxistina ” Medico international ” û hevkariya çend desteyên herêmî ,Heyva Sor a Kurd dest bi kampanyeke berfireh li herêmên Bakur û Rojhilatê Sûriyê û Bakur û Rojavayê Sûriyê kirye.
Kampanya ku perwerdeyên Berevanya sivîl û Isafa yekem pêşkêş dike , bi armanca kêmkirina ziyanên mirovî û madî, derfetê dide zêdeyî 10 hezar kes ku çawa ji bo rûbirûbûna karîset û krîzên xwezayî plan bikin û amade bikin û bandorên wan sivik bikin , herwiha di xebatên lêgerîn, valakirin û rizgarkirinê de çawa bibin alîkar, û alîkariya bijîşkî a pêwîst di kêliyên zordar de peyda bikin.
 
https://youtu.be/7FrP_h8oF2s

Xizmetên Navenda Lênihêrîna Tenduristiya Seretayî ya Cirniyê

/0 Comments/in , , , , , /by

Navenda Heyva Sor a Kurd ku xizmeta şêniyên navçeya El-Cerniye û 69 gundên derdora wê dike, yek ji aliyên ku xizmetên tenduristiyê yên seretayî yên baş pêşkêş dike, hejmara şêniyên ku ji van xizmetguzariyan sûd werdigirin. Nêzîkî 43 hezar kesî ne, û rojane nêzîkî 200 nexweş li beşên cuda tên pêşwazîkirin. Di nav bera kilînkên hundirîn, jin û zarok , beşê lezgîn û jidaykbûna xwezayî .Herwiha pêşkêşkirina perwerdehiya tenduristî li hundir û derveyî navendê û despêkirina rûniştinên piştgiriya derûnî, laboratûwarek ji bo pêkanîna analîzan û dermanxaneyek jî heye. Ji bo veguheztina bilez û bilez ji bo rewşên acîl, ambûlansek 24 saetan ji bo ku nexweşan veguhezîne nexweşxaneyên li Tebqayê, ku 68 km dûrî navendê ye, an jî Reqa, ku 100 km dûr e.
Hebûna navenda Heyva Sor a Kurd li vê herêmê weke faktoreke diyarker ji bo baştirkirina kalîteya lênerîna tenduristiyê ji xelkê re tê dîtin û ev yek jî dibe alîkar ku şêniyên herêmê li ser girîngiya pêşîlêgirtin û lênihêrîna bingehîn a tenduristiyê bidin zanîn.

Agirek kargeha Xezil dixwe û tîmên HSK mudaxele dikin

/0 Comments/in /by
Bi pêketina agirekî mezin li kargeha (Xezil) ya ku dikeve rojhilatê bajarê Hesekê, tîmên ambulancê yên Heyva Sor a Kurd ber bi cihê şewatê ve çûn ,û dest bi dermankirina birîndarên ku ji ber dumanê û şewatê ketine kirin.
Li cihê bûyerê tedbîrên tendirustiyê yên seretayî hatin peydakirin, her wiha,rewşên gıran jî amubansan wan veguhestın nexweşxaneyên bajarê Hesekê.

Daxuyanî di der barê hedefgirtina tîmên me yên tenduristiyê de

/0 Comments/in , , , /by
Iroj careke din herêmên bakur û rojhilatê Suriyê li gelek cihan rastî êrîşên dronên dewleta tirk hatin, li gor wê, giropên me yên rewşên awarte ketin tevgerê ji bo dermankirin û veguhestina birîndar û şehîdan.
Di dema ku grûpek me ya tenduristî bi erkê xwe yê mirovî radibû li gundê hatimiyê li herêma amudê, hate hedefgirtin ji hêla balefirên şer ên dewleta tirk ve, û di encamê de ambulansek me bi temamî nema kare karbike.
Ev ne cara yekeme kû dewleta tirk ambulans û karmendên saziyên mirovî hedefdigre, yên ku eşkere sembol û logo yên xaç û heyva sor a navnetewî radiken.
Em wek saziyek mirovî ku li Bakurê Suriyê kardike, emê bê zemînekî guncav ji bo xebatkarên me, emê nikaribin bi erkê xwe yê mirovî wek ku tê xwestin rabin. Em bangdikin saziyên navnetwî û dost ku bi mere li dijî van kiryarên dewleta tirk yên ku eşkere li dijî karê mirovî û xizmetguzarî li bakur û rojhilatê Suriyê rabin.
 

Heyva Sor a Kurd xizmetên xwe pêşkêşî herêmên herî dûr jî dike

/0 Comments/in , , , /by

Ji ber ku peydakirina xizmet û lênihêrîna tenduristî û pizîşkî ya berdest e xaleke serekeye, taybet li deverên herî dûr jî, klînîkên Navenda Heyva Sor a Kurd (hundirîn – jin – zarok- rewşên awerte) li kampa Ebû Xeşeb ku li gundewarê bakurê rojavayê Dêrezorê dikeve ,xizmetên xwe pêşkêş dikin. ji bilî peydakirina dermanan ji dermanxaneyê û pêşkêkêşkırına hışyarıya tenduristiyê ji hêla ekîba wê , her wıha ambûlans ji bo her acîlekî di amadebaşiyê de ne.

Rêxistina Heyva Sor a Kurd çar hevalên xwe oxir dike

/0 Comments/in , , /by
Em Rêxistina Heyva Sor a Kurd bi xemgîniyeke mezin çar rêhevalên xwe :
Luay Mihemed Bekir, Hesen Ebdulrehman Heydo, Mihemed Ebdullah El-Osman, Elî Osman El-Casîm radighînin , ku di roja pêncşemê 14-03-2024an de li ser rêya Dêrezorê di encama qezayeke trafîkê ya bi êş de jiyana xwe ji dest dan ku ji bo karên xwe yên mirovî li wir bi cih bînin. Di serî de sersaxiyê û hevxemiya xwe ji malbatên wan re dixwazin û em jî weke Heyva Sor a Kurd êşa wan dikişînin, di vê dema dijwar de ji bo derbaskirina vê bûyera giran sebreke mezin ji wan re dixwazin.
Her çar rêhevalên me Luay Bekir, Hesen Heydo, Mihemed Osman û Elî Casim wê di bîranîn û dilê me de bimînin û em ji Xwedayê mezin hêvî dikin ku wan di bexçeyên xwe yên fireh de bihewîne û di van rojên dijwar de sebirê bide malbatên wan. Em jî ji wan re sersaxiyê dixwazin.
Çar rêhevalên me :
Luay Mihemed Bekir
Navê Dayikê: Ezîz Mihemed
Dîroka jidayikbûnê: Tal Temr 1994
Dîroka tevlîbûna Heyva Sor a Kurd: 2018
—————————————-
Hesen Ebdulrehman Heydo
Navê Dayikê: Zerka Elî
Dîroka Jidayikbûnê: Dirbêsiyê – 1983
Dîroka tevlîbûna Heyva Sor a Kurd: 2020
————————————————
Mihemed Ebdullah El-Osman
Navê Dayikê: Afaf El-Osman
Dîroka Jidayikbûnê: Tel Şeyeb 2000
Dîroka tevlîbûna Heyva Sor a Kurd: 2024
———————————————— —
Elî Osman El-Casim
Navê Dayikê: Enûd
Dîroka jidayikbûnê: Dêrezor – Hemar El-Elî 1987
Dîroka tevlîbûna Heyva Sor a Kurd: 2024