Navenda Reşîd li Reqa

/in /by
Li Navenda Reşîd li Reqa mehane nêzî 5000 Kes sûdê digirin.
Li Navenda Reşîd li bajarê Reqayê 24 saetan xizmetên lezgîn û tenduristiyê pêşkêş dike, navenda Reşîd mehane 4500-5000 sûdmend hene.
Ev lênêrînê sê klînîk dihewîne ( ya zarokan, ya jinan, ku jûreyek jidayikbûnê ya xwezayî heye, û ya hundurîn), ji bilî pêşkêşkirina analîzan di laboratuarê de, û dermanên ji dermanxaneyê, û du odeyên acîl û jûreyek Sedmê hene.
Li kêleka hemû van xizmetan di navenda Reşîd de xizmetên bûroya Parastinê û perwerdehiya tenduristiyê ya berdewam ji bo kesên serdan dikin pêşkêş dibe.
Li derve jî, ambûlans û awerte ku ji bo her qeza û acîlekî amade ye.
 
https://www.youtube.com/watch?v=VTOqzt9GX1U

bi hev re ji bo tenduristiyeke baş û hawirdoreke paqij

/in , , /by
Em rêxistina Heyva Sor a Kurd li Bakur û Rojhilatê Sûriyê ev çend sal in em projeyên xwe ji bo xelasbûna bi ewle ji bermahiyên bijîşkî û dermanên demborî pêş dixin , Hefteya borî me bi hevkarên xwe re rêxistina UPP, Desteya Tenduristiyê, Navenda Xizmetên Bijîşkan û Komîteya Tenduristiyê ya Girêdayî Şaredariyan re hevdîtin pêk anîn da ku planên nû ji bo xebatên li herêmê pêş bixin û bi awayekî sîstematîk bixebitin.
Ev proje bi armanca parastina tenduristiya giştî û hawîrdorê li herêma me û kêmkirina qirêjiya hawîrdorê û rîskên ku rastî me tên, tê pêkanîn. Em bi karê xwe serbilindin û em hêvî dikin ku ev proje bibe sedema armancên me yên hevbeş ji bo başkirina tendirustî û jîngehê.
Em we vedixwînin ku hûn bi me re di vê projeya girîng de cih bigirin û hişyariyê li ser girîngiya xelasbûna bi ewle ji bermahiyên bijîşkî û dermanên demborî belav bikin. Spas ji bo piştgirî û hevkariya we bi me re.

kampanyeke paqijiyê li Bakur û Rojhilatê Suriyê

/in , , /by
Bi boneya roja kedkaran a cîhanî û di bin durişmeya ”Bi rihê kedkarên Gulanê em ê bajarên xwe paqij bihêlin” Komîteya Jin a Heyva Sor a Kurd îro Sêşemê kampaniya paqijkirinê li kolanên bajarên (Qamişlo – Hesekê – Dêirk – Minbic – Reqa) bi hevkariya Desteya Şaredariyan pêkanî ,armanca vê kampaniyê ku keda karkerên paqijiyê bidin xwuyakirin û teşwîqkirina gel li ser parastina paqijiya bajarên xwe.
 

Nûkirina nexweşxaneya Avrînê û başkirina rewşa tenduristiyê li Şehbayê

/in , /by
 
Tevî rewşên awarte yên ku herêma Şahba tê re derbas dibe, tîmên me di Heyva Sor a Kurd de dest bi projeya nûkirina nexweşxaneya Avrîn kirine, ku mehane 13 hezar nexweş ji herêm û gundên Şehbayê serdana wê dikin ku rewşên wan ji klînîk û ambûlansan, di nav de pêkanîna emeliyatan pêşwazî dike.
beşên nexweşxaneyê ên dê werin nûkirin ev in (odeya emeliyatê – laboratuar – lênihêrîna giran).
Xebatên nûkirinê wê heta 60 rojan bidome.

belavkirina alîkariyan li gundên Şehbayê berdewam e

/in /by
 
Tîmên me di Heyva Sor a Kurd de alîkarî û pêdiviyên li ser malbat û koçberên li gundên (Herbel – Um El-Housh – Um El-Qura) yên girêdayî Şehba belav kirin, hifadên zatrokan, û (1200) parên birinc.
Hêjayî bibîrxistinê ye ku ji dema erdheja 6 sibata borî de, xebatên Heyva Sor a Kurd ji bo xedmetên tenduristî û alîkarî berdewam e.

Pêşkêşkirina alîkariya aborî ji bo 1864 malbatên kampên Şehba

/in /by

Bi hatına meha Remezanê û di çarçoveya kampanyaya me ya “Bersıva Hêviya dı dayîna we de ye ” alîkarî û zekata fitrê dewam dike ji aliyê kes, meclîs, komîn û navendên Heyva Sor a Kurd ve,jı wan tîmên me alîkariya madî 1864 malbatên hewcedar ên li 6 kampên koçberıyê ên lı herêma Şahba dijîn pêşkêşkır.

 

 

“Bersiva hêviyê di dayîna we de ye”

/in /by

Bersiva hêviyê di dayîna we de ye”

Fitre û zekata xwe bidin ji bo kesên pêdiviya wan bi alîkariyê heye

Ji Bo Gelên Me û Hemû Pêkhatye Musilman li Bakur û Rojhilatê Surî

Erkê hemû bawermenda ye bi hatina rojiya remezanê ya pîroz re , hemû kesên ku pêwîstiya wan bi alîkariyê heyî li bîra xwe bîne . herwiha weke nêzîkatiyek ya mirovî û wjdanî destê alîkariyê dirêjî wan kesan bikin.
Weke tê zanîn di encama salin dirêj ên şerê li Bakur û Rojhilatê Suriya meşiyaye, gelek mirov ji cih û warê xwe bûn û li deverên cûda jiyan dikin.
Her çiqasî piştî demeke dirêj ji şer, ewlehî û aramiyek di herêmê de hatibe destxistin jî , dagirkeriya ku di salên dawî de pêkhatî bi sed hezaran mirov neçarkirin cih û warê xwe bihêlin ,di kampan de û di şert û mercê pir giran de jiyan bikin. Mînaka wê ya herî ber bi çav piştî dagirkirna Efrîn ,Girê spî û Serê Kanıyê kampên Şehba ,Serê Kanî ,Washokanî û ….HWK şert û mercên ku îro têde jiyan dikin e. Taybet piştî erdheja 6 meha 2an 2023 de rûdaye , ev şert û mercên jiyanê di van herêman de hîn zehmetir kiriye û bi xwe re gelek pêwîstiyên nû ên jiyanî afirandiye .
Derfetekî mezine ku em bi fitre , sedeqe û zekatên xwe bibin bersiv ji gelek pêwîstiyên van kesên hewcedar re. Bi vê derfetê mirovên me yê bawermend dikarin xêr û erkên xwe yên exlaqî di vê rojiya remezanê de bînin cih . werin em destê alîkariyê bidin hev ji kesên hewcedar re û bibin bersiv û kêmek jî be birînin wan bipêçin .
Li ser vî bingehî hun dikarin li ser Heyva Sor a Kurd re hemû fitre,sedeqe û zekatên xwe bighînin cihê muhtac û pêwîst. di vî alî de Heyva Sor a Kurd bi xebata xwe ya mirovî û wjdanî xwedî ezmûnek hêja û serkeftiye.
Hun dikarin berê xwe bidin navendên Heyva Sor a Kurd ,komîn û meclisan û di riya wesilan re fitrên xwe pîşkeş bikin . em ji dîroka 1ê remedanê heta dîroka 25ê remedanê van fitran komdikin û diqedînin .
Li gorî kongra İslama demoqrat fitra remezanê Îsal ji bo her kesekî dike 7500 lêra sûrî .