Piştî derketina çend rewşên (Kolêra) li Bakur û Rojhilatê Sûriyê, nivîsgeha bernameya perwerdeya tenduristî li ser çend tedbîran derbarê nexweşiyê û parastina jê kar dike, di rêya perwerdekirina hemû tîmên perwerdeya tenduristiyê li hemû navendên Heyva Sor a Kurd ji bo destpêkirina kampaniyên rênîşankirin û perwerdekirina nexweşiyê ji hemî sûdmendan re li ser awayên gertina nexweşiyê , parastin û dermana wê.
Îro û bi kordîneya nivîsgeha bernameyên pizîşkî , bi amadebûna 34 qabîle û pizîşkên di warê nexweşiyên jinan ji tîmên Heyva Sor a Kurd diyalog hat vekirin û çend mijar hatin nîqaşkirin, yên herî girîng.
(Pênaseya ji dayikbûnê – Berzayîn – Lezandina anînê – Şîretê piştî ji dayikbûna xwezayî – Çima dayik dixwazê zayîna qeyserî (zirarên û dermankirna wê ) Xûnçûna sê mehên pêşî ji dayikbûnê û sedemin wê , parastin û dermankirin- pênaseya Mısoprostol û dermankirna wê ) ji bu bilenkirina asta kar di van beşande.
Xweşbûna dîtna dilxweşiya zarokêkî ku karibe tevgera xwe vegerîne, bi danîna lingekî protezîk, da ku ew zarok karibe çalakiyên xwe yên rojane bi rehetî pêk bîne, ji bilî wê jî piştgiriya wî bike û xwebaweriya wî zêde bike ,û bi hevalên xwe re beşdarî perwerdeyê bibe,ku kêm hêzbûna wî bibe hêzeke herî xurt.
Navenda Protêza ya Heyva Sor a Kurd li ser peydakirina lingan ji bo kesên ku parçeyin ji laşên wan winda bûne yan jî ji zikmakî ve rewşên wan hene, weke ku rewşa Rawend ê 4 salî hatîya wergirtin di 7 /4/2022 de ku ji dayikbûnê ve hestiyê ling û hevparê çokê li gel wî tune bû , lê niha jiyana xwe bi hesanî û normal derbas dike…
Ji ber ku tendirustiya dayik û zarokan ji bo me giring e, tîma perwerdeya tenduristiyê li kampa Waşokanî dest bi kampanya hişmendiyê li ser şîrê daiykê û tendurustiya zêdebûnê kir û berdewam e heya ku kampe bi tevahî bê kontrol kirin , ji ber ku tê zanîn şîrê dayikê ji bo zaroka xwarina herî girîng e, ew hatiya çêkirin ku ji bo mezinbûneke tendurist hemî xurekan peyda dike, û ji ber ku tenduristiya zêdebûnê beşeke bingehîn ji tenduristiya giştî ye ku asta tenduristî ya jin û mêran di temenê zêdebûnê de nîşan dide.
#Heyva_Sor_a_Kurd
Di Roja Cîhanê de ya Pêşîlêgirtina Xwekuştinê ya ku dikeve 10 ‘ê Îlonê ji her sal ,nivîsgeha Parastin û Piştgiriya derûnî a Heyva Sor a Kurd kampaniyeke hişyariyê da destpêkirin bi navê ‘Hêvî bi Rêya Kar’.
Li gorî Rêxistina Tenduristiyê ya Cîhanî (WHO), her 40 çirkeyan li cihekê li cîhanê xwekuştinek dibe, ku ev jî ji bo keçan sedema duyemîn a mirinê ye û ji bo mêran jî sedema sêyemîn a mirinê ye û her sal nêzî 800 hezar kesî jiyana xwe bidawî dikin, ku piraniya wan li welatên paşketî ne.
Armanc ji vê kampaniyê bilindkirina hişyariya bergirtina xwekuştinê di riya awayên fêrbûnê, çareserkirina pirsgirêkan û danîna têkiliyan bi lênêrînan re ,ku li navendên HSK di bin çavdêriya psîkologan de pêk tê û lênêrîna tenduristî, laşî û derûnî tê de heye.
Nexweşiya gurçikê salane dibe sedema mirina bi hezaran, belkî jî bi milyonan kesan, li seranserê cîhanê ku hêdî hêdî karên gurçikê winda dibe û dibe ku karê wê raweste, lewra navendên me yên Heyva Sor a Kurd salane nêzî 5 hezar nexweşên gurçikan digirin, ku yek ji wan nexweşên serkeftî apê Mihemed Elî Emîn Ezîz bû ê 72 salî yê ku ji gundewarên Serêkaniyê li kampa Talaa koçber buye.
Nivîsgeha Parastin û Piştevaniya derûnî di projeya xwe de li mala parastina zarokan a bajarê Hesekê duçerxe ji her zarokekî re di malê de li gorî temenê wan pêşkêş kir , û bi girtina tedbîrên saxlemî û ewlehî bi rêveberiya malê re , da ku daxwazên zarokan bicîh bîne û di betlaneya havînê de bi wan duçerxeyan demek xweş derbasbikin. Zêdeyê wê nivîsgeh gelek çalakî û perwerde ji bo zarokan pêşkêş dike ,ji bilî bernameyên perwerdehîyê yên li ser çawaniya mijûlbûna bi zarokan ra ji bo xebatkarên ku li malê dixebitin.
Li gorî daneyên Rêxistina Tenduristiyê ya Cîhanê, êşa îshal(zikçûn) sedema duyemîn a mirina zarokên di bin pênc salî re ye, ku her sal digihîje nêzî 1,5 mîlyon zarok û ji ber ku tenduristiya penaberên kampan ji bo me giringe tîmê hişmendiya tendurstî kampaniyê hişiyarbuyînê li ser nexweşiya zikçûnê berdewam dike, ku li kampên Waşûkanî û El-Telaa di 22-6-2022 de dest pê kiriye û berdewam e heya ku her du kamp bi tevahî bên kontrol kirin.
Wekî gaveke din di nav hejmarek ji xizmetên tenduristî de ku em bi rêya gelek navendan li bajarê Reqayê pêşkêş dikin, navendeke taybet bi rewşên awarte û lezgîn di 1 ê Nîsana 2022 an de hate vekirin da ku em soza berdewamkirina berfirehiya gihaştina gelek kesan û bilindkirina asta xizmetê pêk bînin.
Di navendê de 4 ambulans û karmendek bijîşkî ji 12 paramedîkan û 12 ajokarên ambulansê hene da ku bersivê bidin rewşên awarte ku tê payîn di nava bajar û gundewarê wê de bi koordîneya odeya operasyonên navendî ku birêvebirina xebatên hemû navendên rewşên awarte û lezgîn yên Heyva Sor a Kurdî li Bakur û Rojhilatê Sûriyê dike.