Çîrokeke nû ya serkeftinê li Navenda Protêzîkê

/0 Comments/in , /by

Xweşbûna dîtna dilxweşiya zarokêkî ku karibe tevgera xwe vegerîne, bi danîna lingekî protezîk, da ku ew zarok karibe çalakiyên xwe yên rojane bi rehetî pêk bîne, ji bilî wê jî piştgiriya wî bike û xwebaweriya wî zêde bike ,û bi hevalên xwe re beşdarî perwerdeyê bibe,ku kêm hêzbûna wî bibe hêzeke herî xurt.
Navenda Protêza ya Heyva Sor a Kurd li ser peydakirina lingan ji bo kesên ku parçeyin ji laşên wan winda bûne yan jî ji zikmakî ve rewşên wan hene, weke ku rewşa Rawend ê 4 salî hatîya wergirtin di 7 /4/2022 de ku ji dayikbûnê ve hestiyê ling û hevparê çokê li gel wî tune bû , lê niha jiyana xwe bi hesanî û normal derbas dike…




şîrê daiykê û tendurustiya zêdebûnê

/0 Comments/in , /by

Ji ber ku tendirustiya dayik û zarokan ji bo me giring e, tîma perwerdeya tenduristiyê li kampa Waşokanî dest bi kampanya hişmendiyê li ser şîrê daiykê û tendurustiya zêdebûnê kir û berdewam e heya ku kampe bi tevahî bê kontrol kirin , ji ber ku tê zanîn şîrê dayikê ji bo zaroka xwarina herî girîng e, ew hatiya çêkirin ku ji bo mezinbûneke tendurist hemî xurekan peyda dike, û ji ber ku tenduristiya zêdebûnê beşeke bingehîn ji tenduristiya giştî ye ku asta tenduristî ya jin û mêran di temenê zêdebûnê de nîşan dide.
#Heyva_Sor_a_Kurd

Hêvî bi Rêya Kar

/0 Comments/in /by

Di Roja Cîhanê de ya Pêşîlêgirtina Xwekuştinê ya ku dikeve 10 ‘ê Îlonê ji her sal ,nivîsgeha Parastin û Piştgiriya derûnî a Heyva Sor a Kurd kampaniyeke hişyariyê da destpêkirin bi navê ‘Hêvî bi Rêya Kar’.
Li gorî Rêxistina Tenduristiyê ya Cîhanî (WHO), her 40 çirkeyan li cihekê li cîhanê xwekuştinek dibe, ku ev jî ji bo keçan sedema duyemîn a mirinê ye û ji bo mêran jî sedema sêyemîn a mirinê ye û her sal nêzî 800 hezar kesî jiyana xwe bidawî dikin, ku piraniya wan li welatên paşketî ne.
Armanc ji vê kampaniyê bilindkirina hişyariya bergirtina xwekuştinê di riya awayên fêrbûnê, çareserkirina pirsgirêkan û danîna têkiliyan bi lênêrînan re ,ku li navendên HSK di bin çavdêriya psîkologan de pêk tê û lênêrîna tenduristî, laşî û derûnî tê de heye.



Nexweşiya gurçikan… Çîrokên hêviyê li ber êşê

/0 Comments/in /by

Nexweşiya gurçikê salane dibe sedema mirina bi hezaran, belkî jî bi milyonan kesan, li seranserê cîhanê ku hêdî hêdî karên gurçikê winda dibe û dibe ku karê wê raweste, lewra navendên me yên Heyva Sor a Kurd salane nêzî 5 hezar nexweşên gurçikan digirin, ku yek ji wan nexweşên serkeftî apê Mihemed Elî Emîn Ezîz bû ê 72 salî yê ku ji gundewarên Serêkaniyê li kampa Talaa koçber buye.

ken,lîstik û hêvî

/0 Comments/in /by

 

Nivîsgeha Parastin û Piştevaniya  derûnî di projeya xwe de li mala parastina zarokan a bajarê Hesekê  duçerxe ji her zarokekî re di malê de li gorî temenê wan pêşkêş kir , û bi girtina tedbîrên saxlemî û ewlehî bi rêveberiya malê re , da ku daxwazên zarokan bicîh bîne û di betlaneya havînê de bi wan duçerxeyan demek xweş derbasbikin. Zêdeyê wê nivîsgeh gelek çalakî û perwerde ji bo zarokan pêşkêş dike ,ji bilî bernameyên perwerdehîyê yên li ser çawaniya mijûlbûna bi zarokan ra ji bo xebatkarên ku li malê dixebitin.

   

Kampaniya nexweşiya zikçûn li Waşûkanî û El-Telaa

/0 Comments/in , /by

Li gorî daneyên Rêxistina Tenduristiyê ya Cîhanê, êşa îshal(zikçûn) sedema duyemîn a mirina zarokên di bin pênc salî re ye, ku her sal digihîje nêzî 1,5 mîlyon zarok û ji ber ku tenduristiya penaberên kampan ji bo me giringe tîmê hişmendiya tendurstî kampaniyê hişiyarbuyînê li ser nexweşiya zikçûnê berdewam dike, ku li kampên Waşûkanî û El-Telaa di 22-6-2022 de dest pê kiriye û berdewam e heya ku her du kamp bi tevahî bên kontrol kirin.

   

Xizmetên jinan li bajarokê El-Sûr

/0 Comments/in , /by
Tîmeke bijîşkî ji bijîşkek jinan, hemşîreyan û qabîleyan pêk tê ,jinan li beşên kilînk û jidayikbûn li xala tenduristî ya girêdayê gundê El-Sûr pêşwazî dikin. Ku hejmara pêşdîtinên jinan di meha borî de gihaşt 1080 pêşdîtin û 26 jidayikbûnên xwezayî .
ku tê de bal li ser tenduristiya pirbûnê, nexweşiyên jinan, pêşdîtina ducaniyê û şopandina jinan berî û piştî jidayikbûnê , her wiha beşa perwerdeya tenduristiyê ku rûniştinên hişmendiyê pêşkêşî wan dikin.
     

Navenda rewşên awarte û lezgîn li Rqayê

/0 Comments/in /by

Wekî gaveke din di nav hejmarek ji xizmetên tenduristî  de ku em bi rêya  gelek navendan li bajarê Reqayê pêşkêş dikin, navendeke taybet bi  rewşên awarte û lezgîn di 1 ê Nîsana 2022 an de hate vekirin da ku em  soza  berdewamkirina  berfirehiya gihaştina gelek kesan û bilindkirina asta xizmetê pêk bînin.

Di navendê de 4 ambulans û karmendek  bijîşkî  ji 12 paramedîkan û 12 ajokarên ambulansê hene da ku bersivê bidin rewşên awarte ku tê payîn di nava bajar û gundewarê wê de bi koordîneya odeya operasyonên navendî  ku birêvebirina xebatên hemû navendên rewşên awarte û lezgîn  yên Heyva Sor a Kurdî li Bakur û Rojhilatê Sûriyê dike.

 

Kenê wan ji bo me berdewamî ye

/0 Comments/in , /by
Nav: Fedîla Xidir El-Elî
Temen: 7 sal
Cih: Kampa Waşokanî
Rewşa wê a tendurstî : hewcedariya laşî
Sedema hewcedariyê: derketina girêkekê li ser derzika pişta wê û di dema emelîkirina wê de tevgera herdu lingên xwe wunda kir.
Nekarîbûna Fedîla di tevger û pêkvejiyana bi hevalên xwe re, êşa koçberiyê li gel wê û malbata wê zêde kir, û bi şopandina rewşê ji aliyê tîmên parastina civakê ve li kampa Waşokanî, bersiv bi pêşkêşkirina kursîkî ji zarokê re hat dayîn.
Bernameya parastina civakê hewl dide ku kesên xwedî hewcedariyên taybetî hêzdar bike û wan bi hevalên xwe re bike yek da ku bigihîjin başiyeke derûnî û civakî.
Fedîla yek ji hezaran zarokên Bakur û Rojhilatê Sûriyê ye ku bi neçarî di bin şert û mercên nebaş ên ku lênihêrîna tenduristî û ewlehî yê ne baş de koçber bûne.
   

Lênihêrîna dayik û zaroka wê Pêşiyê xizmeta me ye

/0 Comments/in , , /by

Gihîştina  xwarindaneke  pêwîst  û girîng ji  zarokan re yek ji pirsgirêkên herî mezin ên tenduristiyê ye   niha li Bakurê Sûriyeyê tê jiyan kirin li cihê ku zarokên kêmxwarin li gorî hevsalên xwe kêmtir xweparastin in û ji ber vê yekê jî ji nexweşiyan re vekirî tirin

Zêdirî 232 miliyon zarok li cîhanê bi kêmxwarnbuyînê re rû bi rû dimînin ku dibe sedema bingehîn ji mirina nîvê zarokên temenê wan kêmî 5 salan e.(li gorî rêxistina bijîşkên bê sînor)

Li gorî karê me yê berdewam di pêşkêşkirina  xizmeta tendurstî ya seretayî  û navîn de, pirogramê kêmxwarinbuyîna zarokan û miqatebûna jinên ducanî  û zarokên nû ji dayîk buyî  cihê herî bingehîn digrin.

Bi riya hejmarek ji xizmetan wek miqatebuna tendurstî ji dayik û zaroka wê di dema ducaniyê û piştî wê wek hişiyarbuyîna tendurstî derbarê jidayikbuna xwezayî , şîrê xwezayî , şopandina jinan , jidayikbuyîn  û pêşkêşkirina xwarin ,derman û hwd ji pêwîstiyan taybet di kampên penaberan .

Çîroka Melak û dayika wê yek ji sedan çîrokên serkeftinê ye ku di nava xalên  me yên tendurstî  de   çêbûne ku her tim armanca me tenduristiyeke baştir  ji  jin û zarokên Bakur û Rojhilatê Sûriyê re bê dayîn.