Belavkirina cilên zivistanê li ser koçberên kampa Waşokanî

/0 Comments/in /by
Bi hatina demsala zivistanê û zehmetiyên ku koçberên kampan rastî wan tên, Heyva Sor a Kurd li kampa Waşokanî ya koçberan, li rojavayê bajarê Hesekê, komek cilûberg ji bo hemû temenan bi taybet zarokan belav kir.
belavkirinê di navbera navenda Heyva Sor a Kurd a li kampê û komînan de hat koordînekirin, da ku cilûberg bigihêje hejmareke baş jı sûdmendan.

kampanya erê ji bo jiyanê bidawî bû

/0 Comments/in , , , /by
Ji bo pêkanîna bandoreke erênî di civakê de bi rêka perwerdekirina ciwanan, pêşxistina hişmendiya xetereyên madeyên hişbiriyê, teşwîqkirina jiyana tendurist û dûrxistina ji kişandina wan , Û pêşxistina nirxên erênî û hevkariya civakê ji bo têkoşîna li dijî vê pirsgirêkê, Heyva Sor a kurd însiyatîfa li dijî dermanên hişbirî bi navê “Erê ji jiyanê re”lidardixe
Ev insyatîf bi hevkariya Komeleya “lemesat Al Xeyr re Ji bo Alîkarî û Pêşvebirinê li bajarê Reqayê hat despêkirin , înîsiyatîf 5 taxên bajarê Reqayê hedef digire “Taxa Bedû, taxa Diriya, taxa muxteleta, taxa Firatê, taxa Rumayla” ku di riya rûniştinên dirêj re ji bo ciwanan pêk tîne ku Ji her taxeke herî kêm bîst ciwan û jin têde amade dibin .
 

Belavkirina ava vexwarinê li ser xelkê bajarê Hesekê berdewam e

/0 Comments/in /by
Di çarçoveya projeya Mediko Swîsreyê de, Heyva Sor a Kurd bi alîkarıya meclîs û komînan, hîn jî avê li xelkê taxên bajarê Hesekê belav dike, ku ji ber qutbûna wê krîzek zehmet di peydakirina ava vexwarinê de jıyan dıkın ew jî jı ber qıtbûna wê jı sıtasıyona Elok a li bejahiya Serêkanıyê ji aliyê dewleta Tirk ve hatiye dagirkirin.
Ekîbên Heyva Sor a Kurd ku çavdêriya proseya belavkirinê dike, berî ku avê li ser xelkê belav bikın bı rengekî rêxistinkirî , kalîteya wê kontrol dikın û guncawbûna wê ji bo vexwarinê piştrast dike.
 

Heyva Sor a Kurd konferansa xwe ya sêyemîn li darxıst û hevserokatiyeke nû hilbıjart

/0 Comments/in /by
Îro Înê, Rêxistina Heyva Sor a Kurd li bajarê Qamişlo sêyemîn konferansa xwe bi dıruşmeya “Bi hêvî û hevkarî ji bo avakirina paşerojeke bı ronî ” lı darxıst bi amadebûna endam, kadroyên bijîşkî û rêxistinên hevkar di xebatên mirovî de li. Tevî hejmarek ji berpirsên Rêveberiya Xweser a Bakur û Rojhilatê Sûriyê, bi nûnertiya Rêveberiya Tenduristiyê, herwıha Tevgera Civaka Demokratîk (Tev-dem)û kongra star.
Xebatên Sêyemîn Konferansa Rêxistina Heyva Sor a Kurd bi deqeyeke rêzgirtinê ji bo giyanê şehîdan û qurbaniyên şer û karesatan destpê kir.
Paşê, li ser kar û xebatên Heyva Sor a Kurd li herêmên Bakur û Rojhilatê Sûriyê yên di navbera salên 2022-2023’an de ku tijî zehmetî û astengî bûn, di serî de êrîşên dewleta Tirk, qurbaniyên Êrîşên wê, û ziyanên ku gıhştên binesaziyan, û herwiha karesata erdheja wêranker ku vê sibatê li herêmê qewımî bû.
Bi dawiya pêşkêşkirina belgefîlm, rapor ji aliyê ofîs û navendên tenduristiyê yên Heyva Sor a Kurd ve hatin xwendin, piştre derî ji bo guhdarîkirina pêşniyarên endam û beşdaran ji bo baştirkirina rewşa tenduristî û alîkariyê li gorî rewşa ku herêmên Bakur û Rojhilatê Sûriyê tê de derbas dibin.
Piştre rêziknameya Heyva Sor a Kurd hate xwendin û ji aliyê endamên beşdar ve hate nîqaşkirin û li gorî rewşê û kêşeyên wê guhertinên guncaw û hatin pêşniyarkirin. Piştî xwendina rêziknameyê û gotûbêjkirin lı se wê , birêz Dılgeş Îsa û Xedîca Mûsa wek hevserokatıya nû a Rêxistina Heyva Sor a Kurd hatin hilbijartin ku xebatên 2 salan wê bi rê ve bibin.

Heyva Pembehî

/0 Comments/in /by

Di Meha Pembe de danasîna penceşêra pêsîrê li kamp û navendan didome
Meha cotmehê wekî meha pembe tê binavkirin, û ew mehek e ku tê de kampanyayên tenduristiyê hewildan ku piştgiriyên pêwîst pêşkêş dıbın ji bo hişyarkirina metirsiya penceşêra pêsîrê û perwerdekirina derbarê pêşîlêgirtina wê.
Di çarçoveya vê hewldanê de, ekîbên perwerdehiya tenduristiyê kampanyayên hişyariyê li ser penceşêra pêsîrê tevî belavokan ku pêşkêşî jinên kampên li Bakur û Rojhilatê Sûriyê, da ku wan li ser vê nexweşiyê û çawaniya naskirina wê jı destpêkê de têghîştî bıbın, ji bilî tedbîrên ji bo pêşîlêgirtina wê, bi serdanên li hundirê konan, her wiha dema serdana wan jınan lı navendên Heyva Sor a Kurd ku li her kampan hene.

vekirina navendeke tendurstî li Şêx Meqsûs li Helebê

/0 Comments/in , /by

Ji ber nebûna navendên tenduristiyê li #Helebê li herêmên #Şêx_Meqsûd û #Eşrefiyê, û bi zêdebûna giraniya nirxê dermanan ku bandorê li xelkê wir dike û nekarîne dermanên xwe yên pêwîst peyda bikin, tîmên me yên pizîşkî yên ku li Helebê amade bûn û herêmên di dema #erdheja ku Tirkiye û welatên cîranê wê hejand de qelsbûna şiyanên bijîşkî û acîl ên li taxê dît.
Me navendeke pizîşkî li Helebê vekir ku ji klînîka zarokan, klînîka jinan û dermanxaneyek ku dermanan li gorî reçeteya bijîşk li sûdmendan belav dike, ji bilî jûreyek lezgîn ku 24 demjimêran kar dike ji bo wergirtina rewşên lezgîn. Navend ji bo her klînîkekê di rojê de li her klînîkê 25 sûdmend werdigire.

Bi hêviya ku şahî vegere dilê Fereh a biçûk

/0 Comments/in , , , /by

hedefgirtina herêmên sivîl pirê caran dibe encama gelek windahî û birîndariyên giran di nava sivîlan de û piştî topbarana bêserûber ji aliyê dewleta Tirk ve li dijî binsazî û herêmên sivîl ên Bakur û Rojhilatê Sûriyê di 4 -10 – 2023’an de ku çend rojan dewam kir, gelek qurbanî û birîndar bûn, yek ji wan jî Fereh a çardeh salî bû ku ji gundê xwe El-Xeybiş ê girêdayî Til Temîrê tevî dê û bavên xwe koçber bûn dema bajarê Serêkaniyê hate dagirkirin, û ew herêm dihat topebaran kirin.
Careke din toparan pey wê ket dema wê li gundê El-Bişêrya ê girêdayî bajarê Dirbêsiyê alîkarya dayika xwe di komkirina pembo de dikir rokêtek di 5-10-2023an de li wan ket û di encamê de herdû lingên xwe winda kir .
Ferah ji milê tîma rewşên awarte û lezgîn ve ya Heyva Sor a Kurd li Dirbêsiyê hat rakirin ji nexweşxaneyekê re li bajarê Hesekê û tîmeke bijîşkî girêdayî Heyva Sor a Kurd ku ji bijîşkê hestî , fizyoterapist û ekîbeke piştgrya derûnî pêk tê hate erkdarkirin ku rewşa tedawî kirina wê bişopînin û piştevaniya wê bikin heta avakirina protezên jêrîn ji bo wê û bi hêviya ku şahî vegere dilê Fereh

“Serlêdana zû .. gavek bi hezar gavî ye “

/0 Comments/in , , /by

Penceşêra pêsîrê di cîhanê de yek ji kansera herî berbelavbuyî ye. Ew ne tenê nexweşiyek e, li ser jiyan û tenduristiya jinê xeteryeke mezin e. Ji ber vê yekê, têgihîştina vê nexweşiyê û hişyarkirina nîşanên wê û rêyên pêşîlêgirtina wê ji bo her jinek û ji bo civakê bi tevahî pêwîstyeke mezine . cudabûna penceşêra pêsîrê ku di şaneyên girêkî ên sîngê de mezin dibe,, û dibe ku ew zû li beşên din ên laş belav bibe ger ku zû neyê naskirin û dermankirina bilez neyê peyda kirin.
Ji vê helwêstê û ji giringîya tenduristiya jinan, Komîteya Jinan a Heyva Sor a Kurd her tim di meha pembehî cotmehê de kampanyayên berfireh ên hişyarkirina nexweşiyê li dar dixe, li ser hişyarî û naskirina zû ya penceşêra pêsîrê.ku Sernavê îsal “Serlêdana zû .. gavek bi hezar gavî ye ” û di kampanyayê de dewreyên hişyarkirina jinan, belavkirina broşuran û dalqandina fîlêksên hişyarkirinê û naskirina Navenda Mamograf ya Heyva Sor a Kurd pêk tên.