Ji bo laboratûwarên sereke yên avê yên Hesekê, Qamişlo, Reqa û Tebqayê made û têstên enelayzê hatin pêşkêş kirin

/in , , /by
Di berdewamkirina xebatên piştgiriya laboratuarên avê yên bi hevkariya Medico International Schweiz re ji bo pêşxistina kalîteya xizmetguzariyên çavdêriya avê de bi rêya desteka pêwîst ji bo laboratûwarên avê yên mudîriyeta giştî ya avê ya Bakur û Rojhilatê Sûriyê, Heyva Sor a Kurd made û têstên laboratorî radestî laboratuarên sereke yên avê li Hesekê, Qamişlo, Reqa û Tebqayê kirin. bi armanca pêşxistina şarezayên kadroyên fenî û xurtkirina karîgeriya laboratuaran da ku analîzên pêwîst bi rastbûn û bandoriyeke mezintir bên çêkirin.

tabloyên roniyê li ser enerjiya rojê ji bo penaberan hatin pêşkêş kirin

/in , /by

Hin zehmetiyên jiyanî rastî malbatên koçberên Efrîn û Şehbayê li wargehan tên, ji wan kêmbûna kehrebeyê li piraniya navendan ku rojane ji bo wan dibe astengî. Bi rêya pilaneke awarte 1700 tabloyên roniyê li ser enerjiya rojê li Qamişlo, Hesekê, Tirbespiyê, Amûdê û Çil Axa hatin belavkirin. Ev însîyatîv, tevî sadebûna wê li gorî pîvana hewcedariyan, derfetdide ku malbat jê sûd werbigirin,çi di peydakirina ronahîkirina şevê an jî şarjkirina hin cîhazên biçûk.

 

 

8 Gulanê – Roja Cîhanî ya Telasîmiyayê

/in , , , /by
Telasîmiya nexweşiyeke xwînê ya genetîk e ku ne tenê pêşberiyeke tendurustî ye, ew jî çîrokek têkoşîna rojane ya kesên ku pêwîstiya wan bi veguhestina xwînê ya birêkûpêk û lênihêrîna berdewam heye .
Bi wesîleya vê rojê girîngiya zûnaskirinê, keşfa genetîk a beriya zewacê û girîngiya tevkirina nexweşan di nava civakê de radixe ber çavan.
Em dikarin bi hev re bi rêya sindoqên alîkariyê yên li herêmên Bakur û Rojhilatê Sûriyê hatine belavkirin desteka madî bidin wan û xwînê bidin nexweşxaneya Onkolojî,şewat û Telasîmiyayê ya bajarê Qamişlo.
Her gotinek , her destekek , her bexşînek guhertinekê çêdike.
https://www.youtube.com/watch?v=IWjkYRFnsqE

Roja pîrikan a cîhanî

/in , , , /by
Her sal di pêncê heyva gulanê de, cîhan roja pîrkan a cîhanî pîroz dike , û nirxandina rola wan di piştgiriya tenduristiya dayik û zarokan de , pêşxistina hişmendiya girîngiya xizmetên jidayikbûnê û lênerîna tenduristiya giştî û alîkariya kêmkirina rêjeyên mirina dayik û zaroka wê di qeyranan de dike.
Li Heyva Sor a Kurd em hewl didin ku jîngeha kar baştir bikin, perwerdeyên domdar ji bo pîrkan peyda bikin û xurtkirina zanista wan, ji bo peydakirina baştirîn lênihêrîna dayîk û zaroka wê, balê dikişînin ser pirsgirêkên ku tên jiyan kirin û çavkaniyên pêwîst ji bo pêşxistina encamên tenduristiyê peyda dikin. Em spasîya hemû pîrikên cîhanê dikin, li ser ked û rola wan a mirovahî û sereke di tendiristîya zayindî de.

Perwerdeyek li ser Başkirina Kalîteya Xizmetên Şopandina Avê

/in , , , /by
Di berdewamiya bersivdayîna Heyva Sor a Kurd de ji bo bergirtina nexweşiya kolerayê ku Desteya Tenduristiyê ya Rêveberiya Xweser a Bakur û Rojhilatê Sûriyê di havîna 2022 ‘an de belavbuna wê li gelek deveran ragihand. Xebatên bersivdayînê yên herî berbiçav ku tîma WASH li Heyva Sor a Kurd û bi hevkariya Medico International Schweiz re ew bû ku pêşxistina kalîteya xizmetên şopandina avê dikir bi rêya pêşkêşkirina desteka pêwîst ji bo laboratuarên avê yên girêdayî mudîriyeta Avê ya gistî li Bakur û Rojhilatê Sûriyê Bi dewamkirin û berfirehkirina çarçoveya pêkanîna testan re reaktorên pêwîst ên laboratuarê, kadroyên perwerdeyê, ewlekirina alavên laboratuarê yên pêwîst û pêşvebirina standartên xebatê yên pêwîst.
Di dema dawî de, ji aliyê tîma Medico ve ji bo xebatkarên beşa WASH a Girêdayî Heyva Sor a Kurd û karkerên di laboratuarên Mudîriyeta giştî ya Avê de dewreyeke perwerdeyê ya çar rojan hate birêvebirin, ji bilî serdanên meydanî ji hemû laboratûwarên navborî re, ji bo pêşkêşkirina têst û alavên pêwîst di demên pêş de.

Li bajarê Qamişlo 2 sîstemên enerjiya rojê li du dibistanan hatin bicihkirin

/in , /by
Di berdewabuyîna kampaniya alîkariyê “ #Solardarity” de ji bo piştgirî û pêşxistina enerjiya tavê wekî enerjiya alternatîf li herêmên Bakur û Rojhilatê Sûriyê ku bi piştgiriya medico international/ enerjiya rojê ji bo Bakur-Rojhilatê Sûriyê qonaxa 2em tê pêkanîn, Rêxistina Heyva Sor a Kurd du sîstemên enerjiya rojê li du dibistanên navîn û amadehî li bajarê Qamişlo bi cih kirin.
Krîza binesaziya nebaş a elektrîkê ku dewam dike, bandor li gelek sektoran kir, ku sektora perwerdeyê jî di nav de ye û bi danîna enerjiya rojê re xwendekar dikarin perwerdeyek hîn aramtir û teşwîqker bê bi dest bixin.

belavkirina selikên paqîjiyê û şîrê zarokan li ser penaberan

/in , , /by

Di çarçoveya pilansaziya awarte de ku Rêxistina Heyva Sor a Kurd ji bo piştgiriya penaberên gundewarên Heleb, Efrîn û Şehbayê ragihand û bi piştgiriya rêxistina ” waldensian church ” selikên paqijiyê û şîrê zarokan ji temenê mehekê heta salekê ji bo penaberên di nava stargehên Reqa, Tebqa, Hesekê û Qamişlo de hatin pêşkêşkirin.

Duyemîn karwanê mirovî ber bi perava Sûrîyê ve diçe

/in , , /by

Duyemîn karwanê mirovî di nava hemleya însiyatîfa gelêrî li Bakur û Rojhilatê Sûriyê de ji bo alîkariya gelê me li berava Sûriyeyê destpêkir. karwanê ku ji 14 hezar selikan pêk , di nav de 12 hezar selikên xwarinê û du hezar selikên paqijiyê ne , ji aliyê gelê bakur rojhilatê Sûriyê, Însyatîfa Jinan, Komeleya Mezopotamiya û Heyva Sor a Kurd ve hatine pêşkêşkirin.

diyarî û pêlîstok ji bo zarokên Telasîmiyayê

/in , , , /by
Bi înîsîyatîfeke hemû mirovahî û dayîn , Navenda Hîro ya Diyalog û nûavakirinê bi hevkariya rêxistina CARAVAN a Nemsawî komek pêlîstok û çenteyên dibistanê ji odeya piştgiriya psîkolojîk re li nexweşxaneya Onkolojî, şewat û Telasîmiyayê pêşkêş kirin.
Ku hawîrdoreke piştgir û rehet Ji bo zarokên bi nexweşîyên domdar ên wek Telasîmiya, hêvî û xweşbîniyê dide wan.

kilînkên gerok li Reqa û Tepqa

/in , , , , , , /by

 

Serdana kilînkên bijîşkî yên gerok yên Heyva Sor a Kurd bi awayekî dewrî ji wargehên penaberan re li Reqa û Tepqayê ,dibe wesîleyeke aktîv di pêşkêşkirina lênerîna tendurstî ya pêwîst . ji ber ku gihaştina xizmetên bijîşkî ji bo her kesî hêsan dike , çi ji dermankirin,derman,pîştgiriya derûnî ,perwerdehiya tendurstî û şopandina nexweşiyên domdar û her wekî din ku rewşa tendurstiya wan û pakbûn jiyana wan bilind dike.