Heyva Sor a Kurd piştî lehiyê ji malbatên koçber re stargeh û alîkarî peyda dike.
Di bersiva mirovahî ya lezgîn de, tîmên Heyva Sor a Kurd 4 malbatên koçberên Efrînê ku ji ber lehiya avê binxanî hatibû tijîkirin, derxistin.
Ev malbat hatin veguhestin stargehê, ku li wir betanî, ferş û selkên xwarinê li wan hatin belavkirin, da ku pêdiviyên wan ên bingehîn bên peyda kirin û ji wan re di van şertên dijwar de alîkarî were kirin.
Em berdewam in ku li qadê bi hewlên xwe yên mirovahî li gel xelkê xwe bimînin û alîkariya lezgîn bidin kesên ku pêwîstiya wan heye.
Belavkirina nanê belaş li Kobanê didome..
Belavkirina nanê belaş li Kobanê didome
Heyva Sor a Kurd bi piştgiriya Heyva Sor a Kurdistanê belavkirina nanê belaş li bajarê Kobanê didomîne, ku her roj 1000 girê nan ji malbatên koçber li stargehan tê belavkirin.
Ev çalakî berdewamiyeke kampanyaya mirovahî ye ku berê 7 roj li Hesekê، Qamişlo، Amûdê û Tirbespiyê hatibû meşandin, da ku alîkariya gelê me were kirin û giraniya jiyana rojane ji ser malbatan were sivikkirin.
Em bi hev re didomin ku li her derê ku hewcedarî heye alîkariyê bigihînin.
Heyva Sor a Kurd ji bo zarokên li dibistanên penaberan pêlîstokan, germker û danişînên piştgiriya psîkolojîk peyda dike.
Nivîsgeha Parastin û Piştgiriya Derûnî ya Heyva Sor a Kurd, çalakiyên xwe di hundirê dibistanên Liwa û Saqir Qureyş de berdewam dike. Ev çalakî danişînên piştgiriya derûnî ji bo zarokan li xwe digire, wek: xêzkirin, lîs
tik, xurtkirina baldariyê û çalakiyên valakirina derûnî.Her wiha, bi piştgiriya rêxistina “Humanity & Inclusion (HI)”, lîstok û sobê li ser dibistanan hatin dabeşkirin, bi armanca dabînkirina jîngeheke ewletir û germtir ji bo zarokên me.
Heyva Sor a Kurd belavkirina alîkariyên xwarinê ji bo koçberên li taxên Hesekê berdewam dike.
Kampanyayên belavkirina alîkariya mirovî ji bo piştgiriya xelkê me yê koçber berdewam dikin. Di çarçoveya van hewldanan de, tîma Heyva Sor a Kurd selikên xwarinê li malbatên ji Serê kaniyê û Efrîn koçber bûne li taxên Muşeyrfa, el-Dahiya, el-Muftî û el-Salihiya li Hesekê belav kir.
Bi van destpêşxeriyan, em pabend in ku li kêleka gelê xwe bisekinin û zehmetiyên wan sivik bikin, û em ê xebata xwe ya mirovî bi tevahî fedakarî û berpirsiyariyê bidomînin.
