Tenduristî – Page 9 – Heyva Sor A Kurd

Zûnaskirina penceşêra pêsîrê yek ji girîngtirîn karûbarên meha Pembe ye

16 October، 2024/in Perwerdehiya tenduristî, Rapor, Tenduristî/by neruda

Di sala 2024’an de , di beşa zû naskirin penceşêra pêsîrê de li Nexweşxaneya Onkolojî, şewat û Talasîmiyayê ya girêdayî Heyva Sor a Kurd a bajarê Qamişlo 1283 muayene, ji wan 680 muayeneyên Îkografî û 846 muayeneyên mamografî ji bo jinan hatine çêkirin, di nav de 24 rewşên erênî yên nexweşiya penceşêra pêsîrê hebûn ku 10 ji wan jinan jî li heman nexweşxaneyê di beşa onkolojiyê de dermankirina xwe didomînin.

Bi salan e em bi heval û hevkarên xwe re mil bi mil , ji bo baştirkirina tenduristiya jinên Bakur û Rojhilatê Sûriyê dimeşin.

Bi hevkarî û hezkirinê em dikarin alîkariyê ji koçberên Lubnanê pêşkêş bikin

8 October، 2024/in Parastin, Piştgirya pskologîk, Tenduristî/by neruda

Di krîzên mirovahî de, girîngiya xebatên komî û hevgirtina civakî tê nîşandan, ev yek jî Heyva Sor a Kurd di rewşa dawî de di kampanyayên xwe yên mirovî de ji bo alîkariya koçberên ji Lubnanê tên, pêk tîne.

Rêxistina Heyva Sor a Kurd di bin silogana “Bi hevkarî û hezkirinê em dikarin alîkariyê ji koçberên Lubnanê pêşkêş bikin” li bajar û bajarokên sereke yên li herêmên Bakur û Rojhilatê Sûriyê konên alîkariyê vedan û xebata xwe didomîne ji bo peydakirina piştgiriya pêwîst ji kesên ku neçar bûne dev ji malên xwe berdin û xwe li cihên ewleh bigrin , herwiha pêşkêşkirina xizmetên pizîşkî û lênerîna tenduristî ji bo wan, ev hewldan ruhê hevkarî û hezkirênê ku kampaniyê pê bang dike dide nîşandan .

Bi hevkarî û hezkirinê em dikarin alîkariyê ji koçberên Lubnanê pêşkêş bikin

8 October، 2024/in Parastin, Piştgirya pskologîk, Tenduristî/by neruda

Di krîzên mirovahî de, girîngiya xebatên komî û hevgirtina civakî tê nîşandan, ev yek jî Heyva Sor a Kurd di rewşa dawî de di kampanyayên xwe yên mirovî de ji bo alîkariya koçberên ji Lubnanê tên, pêk tîne.

Rêxistina Heyva Sor a Kurd di bin silogana “Bi hevkarî û hezkirinê em dikarin alîkariyê ji koçberên Lubnanê pêşkêş bikin” li bajar û bajarokên sereke yên li herêmên Bakur û Rojhilatê Sûriyê konên alîkariyê vedan û xebata xwe didomîne ji bo peydakirina piştgiriya pêwîst ji kesên ku neçar bûne dev ji malên xwe berdin û xwe li cihên ewleh bigrin , herwiha pêşkêşkirina xizmetên pizîşkî û lênerîna tenduristî ji bo wan, ev hewldan ruhê hevkarî û hezkirênê ku kampaniyê pê bang dike dide nîşandan .

Çalakiyên meha Pembehî

7 October، 2024/in Perwerdehiya tenduristî, Tenduristî/by neruda

Bi boneya #meha_Pembehî Meha Çotmehê,nexweşxaneya Onkolojî , şewat û Telasîmiyayê ya girêdayê #Heyva_SoraKurd li bajarê Qamişlo pêşwazîkirina hemû nexweşan di beşa zûnaskirina #pençeşêra_pêsîrê de bi awayekî berfireh radighîne, ku bi riya teknîkên îkografî û mamografî , ji hêla ekîbeke bijîşkî ya pispor ve nexweş tên muayene kirin. Her wiha kampaneyke hişmendiya tendurstî ya berfireh li hemû xalên Heyva Sor a Kurd ên li herêmên Bakur û Rojhilatê Sûriyê despê kiriye û ji hêla tîmên perwerdeya tenduristiyê ve tê bicihkirin û li ser girîngiya zû naskirina penceşêrê welatî têne perwerdekirin.

Zû naskirina penceşêra pêsîrê yeke ji gavên herî giringe di kêmkirina rêjeya mirinê û zêdebûna derfeta dermanbuyînê di dema naskirina nexweşiyê di despêka wê de ye

kampanyeke nû ji bo peydakirina ava paqij a vexwarinê ji gelê bajarê Hesekê re

2 October، 2024/in Beşê WASH, Tenduristî/by neruda

Di dema ku bajarê Hesekê kirîzan jiyan dike , xebatên Heyva Sor a Kurd wek mînaka xebatên mirovahî yên girîng derdikevin pêş. Ku rêxistin li hemberî rewşa heyî, bi hevkariya Medico Swîsre ji bo ava paqij a vexwarinê ji şêniyan re peyda bike, gelekî dixebite. Ev hewldan di demeke xerab de tê ku bajar tê re derbas dib ji ber qutbûyîneke giran a avê û ev yek jî bandoreke neyînî li tenduristiya gel dike û ji ber kêmbûna avê ji stasyona Aloûk rewşa jiyanî dijwartir dike. Ev hemleyên berdewam giringiya hevkariya civakê û koordîneya di navbera civakan û rêxistinên mirovî de nîşan dide da ku pirsgirêkên derdikevin holê çareser bikin.

Li Kampa Ebû Xeşeb xizmeta tenduristî ya sereke

1 October، 2024/in Awarte, Beşê WASH, Parastin, Perwerdehiya tenduristî, Piştgirya pskologîk, Tenduristî/by neruda

Navenda Heyva Sor a Kurd li kampa Ebû Xeşeb a gundewarê rojavayê Dêrazorê rojane derdora 50 nexweşî pêşwaz dike û li beşê pêşwaziyê , hemû nexweş tên qeydkirin û ji bo klînîkên (hundirîn, jin, zarok) tên veguhezîn . Di beşê Lezgîn de jî rewşên acil tên dermankirin . Ji bilî pêşkêşkirina piştgirya derûnî ku bi taybet jin û zarok tên hedef girtin, di heman demê de tîma perwerdeya tenduristiyê şîretên girêdayî nexweşiyên demsalî û tenduristiya giştî bi rê ve dibe. Li gel ambulansên ku 7/24 di rewşa awarte de li kampê dimînin.

” Em ji bo nexweşên penceşêrê û telasîmiyayê bibin alîkar “

19 September، 2024/in Perwerdehiya tenduristî, Tenduristî/by neruda

https://www.youtube.com/watch?v=NgMvX8IsKx0

Bi armanca peydakirina pêdiviyên bijîşkî yên zêdebuyî û bi taybet ji bo nexweşên penceşêrê û zarokên telasîmiyayê li Bakur û Rojhilatê Sûriyê, Rêxistina Heyva Sor a Kurd despêkirina rêbazeke piştgiriya civakî ji bo nexweşxaneya Onkolojî, Telasîmiyayê û şewatê a li bajarê Qamişlo radighîne.

Piştgiriya civakî, ku sindoqên xwebexş yên li saziyên sivîl û civaka herêmî yên li nava bajar û bajarokan, di nav xwe de vedihewîne. Derfetê dide ku mirov bi berdewamî alîkariyê pêşkêşbike , û bi rêka vê alîkariyê lênerîna tenduristî û dermanên pêwîst, tevî dozên kîmawî, dê ji nexweşan re bên peydakirin.

Piştgirîya we tevkarîyê li dermankirina hejmareke mezin ya nexweşan dike û dîsa hêvîyê diafirîne.

Rola klînîkên hundirîn di peydakirina lênihêrîna bingehîn a tenduristiyê de

9 September، 2024/in Tenduristî/by neruda

Klînîkên hundirîn di navendên Heyva Sor a Kurd de rolek girîng dilîzin, ku lênerîna tenduristî ya bingehîn peyda dikin û dibin alîkar di pêşxistina tenduristiya niştecihan û penaberan li hundur û derveyî kampan.

Li kampa Waşokanî ya penaberan, ku dikeve rojavayê bajarê Hesekê, klînîka hundirîn ya li navenda lênihêrîna tenduristî ya Heyva Sor a Kurd xizmetên xwe yên wekî muayene, teşxîsa echo, teşxîsa laboratorîk, şopandina nexweşên bi nexweşiyên kronîk, nirxandin û şandina nexweşiyên infeksiyonel, û pêşkêşkirina rênimayiyên bijîjkî, derûnî û yên din ji bo hemû kesan pêşkêşdike û di navbera 30-40 sûdmendî her rojê wedigire .

Xizmetên Navenda Tenduristiyê ya Li bajarokê Ebû Qelqel

21 August، 2024/in Parastin, Perwerdehiya tenduristî, Piştgirya pskologîk, Rapor, Tenduristî/by neruda

Noqteyên bijîşkî roleke girîng di xurtkirina pakbûna lênihêrîna tenduristiyê û pêşxistina kalîteya jiyanê de dilîzin , di nav de Navenda Lênihêrîna Tenduristiyê ya #Heyva_Sor_a_Kurd li bajarokê Ebû Qelqel ku tekane navenda herêmê ye , alîkariya lezgîn, dermankirina bingehîn, lênerîna dewrî pêşkêşî malbatan dike , ji bilî gelek xizmetên tenduristî yên din wek hişyariya tenduristiyê ji bo rêgirtin û kêmkirina belavbûna nexweşiyan û piştgiriya derûnî.