Bi piştgiriya Medico Switzerlandê, xizmetên tenduristiyê yên mobîl ji koçberên li Kobaniyê re têne peyda kirin.
Ji gundekî heta gundekî din… û ji malbatekê heta malbatekê din, klînîkên gerok ên Heyva Sor a Kurd li Kobanê berdewam dikin ku xizmetên tenduristiyê bigihînin gundan û malbatên koçber ên ji Girê Spî/Til Ebyadê.
Bi piştgirîya Medico Switzerland, tîmên me xizmetên tenduristiyê yên bingehîn pêşkêş dikin, her weha li gorî şert û îmkanan şîr û pempersên zarokan jî belav dikin.
Dema ku gihîştina xizmetan dijwar dibe, em hewl didin ku xizmet bigihîje mirovan.
Ji bo tenduristiyeke çêtir… xizmetên me yên bijîşkî digihîjin deverên ku herî zêde hewcedar in.
Em digihîjin cihê ku xizmetên tenduristiyê nagihîjin… Pabendbûna me li parêzgeha Hesekê berdewam dike.
Ji ber kêmbûna navendên tenduristiyê li gundên dûr ên parêzgeha Hesekê, klînîkên me yên gerok berdewam rêwîtiyên dûr û dirêj dikin da ku piştrast bikin ku lênêrîna bijîşkî digihîje kesên ku pêdivî pê heye. 
Em li ser erdê ne û van tiştan peyda dikin:
Xizmetên bijîşkî yên berfireh: lênerîn û şêwirmendî (jinekolojî, zarokantî û bijîşkiya navxweyî). Hişyarî û pêşîlêgirtin: Rûniştinên perwerdehiya tenduristiyê ji bo pêşvebirina pratîkên tendurist di nav civakê de. Piştgiriya bingehîn: Belavkirina formula zarokan ji malbatên herî hewcedar re.Nexweşxaneya Onkolojî û Talasemiyê ya Heyva Sor a Kurd Roja Cîhanî ya Talasemiyê bi bîr tîne
Talasîmiyayê ya Heyva Sor a Kurd şahiyeke piştgirî ji bo zarokên me li dar xist.
Spas ji bo kesên ku kenê xistin ser lêvên me:
Rêxistina Hêz û Rêxistina Stars. Peymangeha Muzîkê ku ji bo hêviyê jenî, û Meqelok (Mihric) ku şahî belav kir. Hunermendên ku bi tablo û nîgarên xwe yên bexşandî reng dan roja me.Di şahiyê de diyarî li ser nexweşan hatin dabeşkirin û 8 kesayetên dilsoz bi kartên spasiyê hatin xelatkirin.
Perwerdehiyek pêşketî di rêveberiya karesatan û başkirina bersiva bilez de li Qamîşlo bi piştgiriya Medico International
Di nav sê rojan de li Qamişlo, tîmê Parastina Sivîl ya Heyva Sor a Kurd, bi piştgiriya Medico International, perwerdehiya pêşkeftî da endamên şaredariyê yên pispor, li ser rêveberiya karesatan û rêbazên destwerdanê.
Em berdewam in di xebatên xwe de ji bo bilindkirina amadebûnê û xurtkirina kapasîteya tîmên herêmî, da ku civaka xwe di demên awarte de biparêzin.
Heyva Sor a Kurd kampanyaya klînîkên gerok li gundên Dêrik, Qamişlo, Amûdê û girkê legê dest pê kir
Di çarçoveya hewldanên me yên berdewam de ji bo gihîştina gelê me yên gundewaran, Heyva Sor a Kurd dest bi kampanya klînîkên gerok li gundên Dêrik, Qamişlo, Amûdê û Girkê Legê kir.
Ev klînîk xizmetên tenduristiyê yên cuda pêşkêş dikin, di nav de lênerîn, dermanên ji bo nexweşiyên giştî û kronîk, her wiha belavkirina şîrê zarokan û pempers û di heman demê de bi rêya broşûran belavkirina hişyariya tenduristiyê li ser paqijî û tenduristiya giştî.
Kampanya me berdewam e ji bo ku em bigihîjin herî zêde kesên hewcedar, çimkî tenduristî mafê hemûyan e.
Heyva Sor a Kurd piştgiriya xwe ji bo kesên koçber bi pêdiviyên bingehîn ên zarokan didomîne.
Bi piştgiriya Komeleya Xêrxwaz a Kerkûkê, tîmê Heyva Sor a Kurd a Sûriyê li stargehên li bajarê Qamişlo şîrê zarokan û pampers belav kirin, di çarçoveya hewildanên me yên berdewam de ji bo piştgirîkirina malbatên koçber û dabînkirina hewcedariyên bingehîn ên zarokan.
Em bi berpirsiyariya mirovahî berdewam dikin ku li kêleka gelê xwe bin di van şert û mercên dijwar de.
Bi piştgiriya bijîşkên Kurd ên li Almanya, li kampa El Telaî dermanên belaş berdewam dikin.
Ji meha Şubat û Adar 2026’an ve, tîmên me yên Heyva Sor a Kurd li kampa Talayi’ê berdewam in di pêşkêşkirina dermanên belaş de, ji bo malbatên koçber û kesên hewcedar.
Ev alîkarî bi piştgirîya Yekîtiya Doktorên Kurd li Almanyayê tê pêkanîn, ku di van şertên dijwar de rolek girîng di parastina tenduristiyê de dileyzin.
Bi hev re, em berdewam in bi ruhê solidarîteyê ku hêvî bidin û jiyanê biparêzin ji bo wan kesan ku pêdivîya wan heye.
Înîsiyatîfeke mirovî ji bo piştgiriya zarokên bi nexweşiya penceşêr û talasemiyê bi rêya bexşandina xwînê.
Îro hejmarek ji bexşvanên dilxwaz xwîn ji bo Nexweşxaneya Heyva Sor a Kurd a ji bo Onkolojî û Talasemiyê bexş kirin, bi vî awayî bersiva banga mirovî dan û pabendbûna xwe ya ji bo piştgiriya zarokên nexweş nîşan dan.
Em spasî û teqdîra xwe ya dilsoz ji her kesê ku beşdarî belavkirina hêvî û bexşandinê dibe re diyar dikin.
