Heyva Sor a Kurd xizmetên xwe pêşkêşî herêmên herî dûr jî dike

/in , , , /by

Ji ber ku peydakirina xizmet û lênihêrîna tenduristî û pizîşkî ya berdest e xaleke serekeye, taybet li deverên herî dûr jî, klînîkên Navenda Heyva Sor a Kurd (hundirîn – jin – zarok- rewşên awerte) li kampa Ebû Xeşeb ku li gundewarê bakurê rojavayê Dêrezorê dikeve ,xizmetên xwe pêşkêş dikin. ji bilî peydakirina dermanan ji dermanxaneyê û pêşkêkêşkırına hışyarıya tenduristiyê ji hêla ekîba wê , her wıha ambûlans ji bo her acîlekî di amadebaşiyê de ne.

Panorama xebata Heyva Sor a Kurd di sala 2023an de

/in , , , , , , , , , /by
Dı sala borî de ku herêm dı nav şert û mercên dijwar de derbas bû, Heyva Sor a Kurd bi hemû hêz û îmkanên xwe ve bi dilsozî xizmetên xwe bêşkêşî civakê dıkır.
Heyva Sor a Kurd di sala 2023’an de gelek xizmetên mirovî û tenduristiyê pêşkêşî (1,215,216)
jı mirovên herêmê kir.
Di nav van xizmetguzariyan de peydakirina lênihêrîna tenduristî, alîkariya yekem, xızmetên protez, perwerdehiya tenduristiyê, parastin, piştevaniya derûnî û baştirkirina av û paqijiyê hebûn.
Hıjmara wan kesên ku ji wan xizmetên bê sînor sûd wergırtın bı vî rengîne:
(816644 )sûdmend ji xizmetên tendurstî
(3522) sûdmend ji xizmetên navenda pirotêza bi hemû beşên xwe
(816644) sûdmend ji xizmetên perwerdekirina tendurstî
(5130) sûdmend ji xizmetên pirograma parastin
(9372) sûdmend ji xizmetên pirograma piştgirya Derûnî
(10000) sûdmend ji xizmetên pirograma av û psaqijî /WASH/

Roja cîhanî a astengdaran

/in , , /by

 

Bi boneya roja cîhanî a astengdaran û di bin drûşmeya “min ji astengdariya min dadgeh neke, bihêle ez karînên xwe nîşanî we bidim” Heyva Sor a Kurd bi hevkarya rêxistina nûdem çalakiyek ji zarokan re lidarxist , di çalakiyê de şano û stranbêjî ji zarokan re hat pêşkêşkirin, ji bilî xêzkirina rûyê wan û belavkirina diyariyan , bi armanca tevlîkirina zarokên astengdar bi ên ne astengdar re.

kampanya erê ji bo jiyanê bidawî bû

/in , , , /by
Ji bo pêkanîna bandoreke erênî di civakê de bi rêka perwerdekirina ciwanan, pêşxistina hişmendiya xetereyên madeyên hişbiriyê, teşwîqkirina jiyana tendurist û dûrxistina ji kişandina wan , Û pêşxistina nirxên erênî û hevkariya civakê ji bo têkoşîna li dijî vê pirsgirêkê, Heyva Sor a kurd însiyatîfa li dijî dermanên hişbirî bi navê “Erê ji jiyanê re”lidardixe
Ev insyatîf bi hevkariya Komeleya “lemesat Al Xeyr re Ji bo Alîkarî û Pêşvebirinê li bajarê Reqayê hat despêkirin , înîsiyatîf 5 taxên bajarê Reqayê hedef digire “Taxa Bedû, taxa Diriya, taxa muxteleta, taxa Firatê, taxa Rumayla” ku di riya rûniştinên dirêj re ji bo ciwanan pêk tîne ku Ji her taxeke herî kêm bîst ciwan û jin têde amade dibin .
 

Heyva Sor a Kurd barê pêdiviyên zarokan ên li kampên Şehbayê radike

/in /by

Ji ber buhabûna nirxê kelûpel û pêdiviyên jiyanê, bi taybetî pêdiviyên zarokan û barên zêde yên ku li ser koçberan çêdikin, tîmên Heyva Sor a Kurd li herêmên Şehba ji bo zarokên pêçekê heta yek salî de ên xelkê ku li kampên Şehba dijîn (kampa Berxdan – Kampa Serdem – Kampa Efrînê – Kampa veger – Kampa Kiştaerê) daypırs”hafade” belavkırın, ku hejmara sûdmendên ji belavkirinê giha (300) zarokî.

Buroya Parastinê zêdetir li ser pirsgirêkên jinan rûniştinan pêk tîne

/in /by

tîma me ya buroya parastinê rêzên rûniştinan û dersên xwe yên li ser pirsgirêkên jinan û mafên wan bi jinên kampê re didomîne û bi rêya wan mijarên( zewaca bi darê zorê û zewaca temen biçûkan û karkirina zarokan, desdirêjî) , Di van rûniştinan de nîqaşên hevpar tên meşandin û bi rêya van hevdîtinan hişyariya jinên li kampan di derbarê mafên wan û sînordarkirina tundî û îstismarkirina wan tê bilindkirin, Di dawiya her danişînê de broşurên ku bi kurtasî mijaran li jinên amade, tên belavkirin.

Klînîkên me yên gerok li Şehbayê digihîjin her kesî û xizmetên bijîşkî pêşkêş dikin..

/in , , , /by

Tîmên me yên di klînîkên bijîşkî yên gerok de li gel belavkirina dermanan, xizmetên xwe yên pizîşkî yên teşhîs (hundirîn, jineolojî) pêşkêş dikin û bi hemleyeke berdewam xwe digihînin hemû şêniyên herêma Şehba û gundên wê.

Alîkariyên ji aliyê xelkê Silêmaniyê ve tên kirin, digihêje kesên sûdmend berdewam e

/in , , /by

Penaber û kesên ku ji ber erdheja herêmên Şehba li Helebê, heta niha jî ji alîkariyên xelkê bajarê Silêmaniyê yê Herêma Kurdistanê bi rêya kampaniya “Hewxa Metanîn” ku tîmên me zengil û betanî belav dikin, sûdmend dibin,û doşek ji bilî tiştên malê, kursiyên bi teker ji bo kesên xwedî pêdiviyên taybet û qûtiyên şîrê zarokan.

Ji bo Raya giştî û hemû alî û rêxistinên mirovî

/in , /by

Weke tê zanîn, ber destê sibeha 6 ê meha sibata 2023 yan de erdhejek di pileya 7.7 û 7.6 kû navenda wê li Türkya û Suriye bi taybet herêmên kû kûrd lê jiyandikin de rûda û bû sedema karesatek ya mirovî a pir giran. Jibo vê karesatê gelek sazi,yekiti,komele kesayet û derdorên xêrxwaz yên herêmî û nav cihanî ketin nav tevgereke lezgîn ji bo xwe bigihînin cih û warên kû ziyanên mezin yên mirovî lê peyda bûne Her çiqas hinek alîkarî gihiştibe hinek cihanjî, hê jî li gelek deran mirov dibin kavl û xirabeyan de li benda rizgarkirinê ne bi sedhezaran kes pirsgirêka avahî, av xwarin, elektrik û xwe germkirinê jiyan dikin. mixabin gelik alî û hêz li hember vê karesatê hesabên siyasi xistine pêşiya bûyerê bê kû bikevin ferqa berpirsyartiya xwe ya mirovi û axlaqî li gelik cihan dibin kelem û astenk li pêşiya gihaştına arikariya mirovî ya van herêman.

Me weke Heyva Sor a Kurd ji despêka bûyerê de da diyarkirin kû li her derekê kû ziyan lê hati dîtin em amade ne bi ekîb û imkanên xwe ve biçin bi hawara gel ve lê belê weke go ji bo xwe gihandina herêma Efrin Cindirês û herwekîdin astengî hatin derxistin niha jî ji bo gihandina alîkariya mirovî ji bo herêma Heleb Şêx Maqsut û Şehba astengiyên mezin ji aliyê hûkûmeta Suriye ve têne derxistin.Weke hemû cihan dizane avahiyên Helebê piştî şeriki giran û şûnde ji sedi 90”ê xwe ne rewşa kû mirov bikaribin têde jiyan bikin û ne bi ewlene. Jiber vê sedemêjî piştî erdhejê ev xeteri gihiştiye astek kû êdi tukes nikaribe divan avahi û xaniyande jiyanbikin .Ev ji bûye sedema kû bi deh hezaran mirov li derve bê avahi, xwarin û av û nava sermê de jiyanbikin.
Eger zû xwe gihandinek çê nebe wê karesatek ya mirovî ji ya erd hejê mestir werê jiyankirin.
Li ser vi esasî em wek Heyva Sor a Kûrd gazî hemû mirovahiya xêrxwaz, hêz û aliyên xwe bi demokrasi û mirovahi bi nav dikin, kû destwerdan û mûdaxeleyeke lezgin a herêmi û nav netewî ji vê rewşê re were kirin û hemû korîdorên mirovi werin ewlekirin jibo hemû arikariyên pêwist bigihêjin herêmên pêdivîyên wan heyî.

Heyva Sor a Kurd

11/02/2023