kampanyeke paqijiyê li Bakur û Rojhilatê Suriyê

/in , , /by
Bi boneya roja kedkaran a cîhanî û di bin durişmeya ”Bi rihê kedkarên Gulanê em ê bajarên xwe paqij bihêlin” Komîteya Jin a Heyva Sor a Kurd îro Sêşemê kampaniya paqijkirinê li kolanên bajarên (Qamişlo – Hesekê – Dêirk – Minbic – Reqa) bi hevkariya Desteya Şaredariyan pêkanî ,armanca vê kampaniyê ku keda karkerên paqijiyê bidin xwuyakirin û teşwîqkirina gel li ser parastina paqijiya bajarên xwe.
 

Çîrokên serkeftinê li navenda pirotêza

/in , /by
Piştî 5 salan ji êş kişandinê “Qasim” yek ji sûdmendên xizmetên Navenda Protez, Dermankirina Fîzîkî û Piştgiriya Derûnî ji bo desteka berfireh û nûavakirina kesên astengdar û birîndarên mayînde û malbatên wan, destpêka qonaxeke nû di jiyana xwe de ji me re tekez dike û karîna destekdayîna malbata xwe ji nû ve di vê rewşa heyî ku gel li bajarê Reqayê dijî.
Navenda Heyva Sor a Kurd ku li bajarê Qamişlo ye, hewl dide kesên ku ji ber şer birîndar bûne û wekî din ji hemû herêmên Bakur û Rojhilatê Sûriyê wergire û bê pere alîkariya wan di hemû beşan de bike.
https://www.youtube.com/watch?v=MkFu3_szEf0

Çîrokeke nû ya serkeftinê li Navenda Protêzîkê

/in , /by

Xweşbûna dîtna dilxweşiya zarokêkî ku karibe tevgera xwe vegerîne, bi danîna lingekî protezîk, da ku ew zarok karibe çalakiyên xwe yên rojane bi rehetî pêk bîne, ji bilî wê jî piştgiriya wî bike û xwebaweriya wî zêde bike ,û bi hevalên xwe re beşdarî perwerdeyê bibe,ku kêm hêzbûna wî bibe hêzeke herî xurt.
Navenda Protêza ya Heyva Sor a Kurd li ser peydakirina lingan ji bo kesên ku parçeyin ji laşên wan winda bûne yan jî ji zikmakî ve rewşên wan hene, weke ku rewşa Rawend ê 4 salî hatîya wergirtin di 7 /4/2022 de ku ji dayikbûnê ve hestiyê ling û hevparê çokê li gel wî tune bû , lê niha jiyana xwe bi hesanî û normal derbas dike…




Kenê wan ji bo me berdewamî ye

/in , /by
Nav: Fedîla Xidir El-Elî
Temen: 7 sal
Cih: Kampa Waşokanî
Rewşa wê a tendurstî : hewcedariya laşî
Sedema hewcedariyê: derketina girêkekê li ser derzika pişta wê û di dema emelîkirina wê de tevgera herdu lingên xwe wunda kir.
Nekarîbûna Fedîla di tevger û pêkvejiyana bi hevalên xwe re, êşa koçberiyê li gel wê û malbata wê zêde kir, û bi şopandina rewşê ji aliyê tîmên parastina civakê ve li kampa Waşokanî, bersiv bi pêşkêşkirina kursîkî ji zarokê re hat dayîn.
Bernameya parastina civakê hewl dide ku kesên xwedî hewcedariyên taybetî hêzdar bike û wan bi hevalên xwe re bike yek da ku bigihîjin başiyeke derûnî û civakî.
Fedîla yek ji hezaran zarokên Bakur û Rojhilatê Sûriyê ye ku bi neçarî di bin şert û mercên nebaş ên ku lênihêrîna tenduristî û ewlehî yê ne baş de koçber bûne.
   

Lênihêrîna dayik û zaroka wê Pêşiyê xizmeta me ye

/in , , /by

Gihîştina  xwarindaneke  pêwîst  û girîng ji  zarokan re yek ji pirsgirêkên herî mezin ên tenduristiyê ye   niha li Bakurê Sûriyeyê tê jiyan kirin li cihê ku zarokên kêmxwarin li gorî hevsalên xwe kêmtir xweparastin in û ji ber vê yekê jî ji nexweşiyan re vekirî tirin

Zêdirî 232 miliyon zarok li cîhanê bi kêmxwarnbuyînê re rû bi rû dimînin ku dibe sedema bingehîn ji mirina nîvê zarokên temenê wan kêmî 5 salan e.(li gorî rêxistina bijîşkên bê sînor)

Li gorî karê me yê berdewam di pêşkêşkirina  xizmeta tendurstî ya seretayî  û navîn de, pirogramê kêmxwarinbuyîna zarokan û miqatebûna jinên ducanî  û zarokên nû ji dayîk buyî  cihê herî bingehîn digrin.

Bi riya hejmarek ji xizmetan wek miqatebuna tendurstî ji dayik û zaroka wê di dema ducaniyê û piştî wê wek hişiyarbuyîna tendurstî derbarê jidayikbuna xwezayî , şîrê xwezayî , şopandina jinan , jidayikbuyîn  û pêşkêşkirina xwarin ,derman û hwd ji pêwîstiyan taybet di kampên penaberan .

Çîroka Melak û dayika wê yek ji sedan çîrokên serkeftinê ye ku di nava xalên  me yên tendurstî  de   çêbûne ku her tim armanca me tenduristiyeke baştir  ji  jin û zarokên Bakur û Rojhilatê Sûriyê re bê dayîn.

 

Lehengê rewşên awarte û lezgîn û çîrokên saxbûna bê dawî

/in , /by

 

lê vê carê ev rewş ne wekî hemû rewşan bû ku avê bi xayîntî li du keçen ciwan ên koçber li kampa Arîşa nêz bû ku yek ji wan jîyana xwe ji dist da û Meryem a 19 salî tevî rewşa tenduristiya wê ya ne baş ji milê tîma HSK hat derman kirin, hemû rewşen awarte û ambulansa li hemû kampa û xalên tenduristiyê yen bakur û rojhilatê sûriyeyê kar dikin perwerdeyan werdigirin da ku karibin di nava 24 saatan de bi hemû rewşên awarte re mijul bibin , tê zanîn ku di nava mehekê de hejmara rewşên awarte ji 20 hezaran derbas dike.
 

Şehîd Basim Muhemed ” Şehîdê Mirovatiyê “

/in , /by
Bi xemgîniyeke mezin me nûçeya şehîdbûna hevalê xwe Basem Mihemed wergirt, ku di encama gulebaranekê de dema ku wî li navenda sereke ya Heyva Sor a Kurd li Kampa Holê erkê xwe ye mirovî pêk di anî. Tevî hemû hewldanên ku hevalên me dan ta Basim jiyana xwe ji dest nede, mixabin ew hewildan bi cih nehatin.
Bassem ciwanekî di bihara temenê xwe de bû, li Hesekê ji dayek buyê, bavê du zarokaye û li benda yê sêyem e. Wî di gelek rêxistinên mirovî de kar kiriye beriya tevlî me bibe, ku her pênc salên dawî di nav Heyva Sor a Kurd ma.
Ji dema damezrandina rêxistina me û pejirandina xebatên me yên mirovî û tenduristiyê ve, hevkarên me bi berdewamî li cihên herî metirsîdar bi binpêkirinên cûda rû bi rû dimînin, lê herdem em pabendî rêzikname û prensîbên çalakiyên mirovî bûn.
Û di van salan de me rêhevalên xwe yên herî baş ji dest dan, ku herî dawî jî şehîd Basem bu ku di dema xebatên xwe yên mirovahî pêk di anî jiyana xwe ji dest da.
Li hemberî van êşan em sersaxiyê dixwazin ji malbata Bassem, hevjîna wî, zarokên wî, û hemû hevalên xwe û ji xwe re jî dixwazin.
Û ji hemû hezkiriyên wî re saman û sebrê dixwazin.

Piştî woundakirina 2 zarokan ji ber nexweşiya şekir, laweke wê çêdibe

/in /by

Kurdiya Silêman ku ji Serêkaniyê koçber bûye û li kampa Waşûkanî dimîne, ji ber nexweşiya şekir du zarokên xwe winda kiriye, lê di ducaniya xwe ya herî dawî de ew li noqteya tendurstî ya Heyva Sor a Kurd li kampê hat dermankirin û kurekî wê niha çêbuye .

Piştgiriya malbata “Solînaz ” piştî banga bavê wê

/in /by

Heyva Sor a Kurd bersiva banga bavê zaroka bi navê “Solînaz” kir, ku piştî dilsojiya 10 salan ji bo anîna zarokekê çîroka xwe û rewşa xwe ya tenduristiyî û zehmetiyên wergirtina kar û peydekirina pêwîstîyên malbat û zaroka biçûk bi rêya grûpeke Facebook vegot , di riya peydekirina kirya mala wî ya salekê, peydekirina hin pêwîstiyên malbatê û xanî û pêwîstiyên zarokê ji şîr û cilên wê her wiha peydekirina karekî jê re.