Kirîza mirovî li Heleb û Şehbayê, bangewaziya hevgirtin û alîkariyê

/in , , , /by
Kirîza mirovî li Heleb û Şehbayê, bangewaziya hevgirtin û alîkariyê
Bajarê Helebê, gundewarê wê û herêma Şehbayê rastî kirîzeke mirovî ya mezin tê, ku di bûyerên leşkerî yên dawî li wan herêman ,ev kirîz dijwartir dibe. Ev yek jî bû sedem ku bi hezaran malbat tevî hejmareke zêde ji zarok, jin û extiyaran, di şert û mercên dijwar ên bêcihûwariyê û sermayê bi rojan rû bi rû dimînin.
Ji aliyê xwe ve û ji bilî amadebûna me ji bo peydakirina lênerîna tenduristiyê ya pêwîst di dema û heta gihaştina herêmên bi ewle li herêmên Rêveberiya Xweser û pêşkêşkirina alîkariyan ji şiyanan re, em bang li gelê xwe yê li hundir û derve dikin ku destê alîkariyê dirêj bikin, ji ber ku hevgirtina di demên aloziyan de tiştê ku mirovahiya me nîşan dide û nirxên hevkarî û biratiyê di navbera me de zêde dike
Em hêviya aştiyê ji hemû gelê xwe yê li tevahî Sûriyeyê re dikin.

Rojek sax ji dermankirina Feysel li nexweşxaneya Onkolojî , Şewat û Telasîmiya

/in , , , /by
Feysel ê 19 salî, ev nêzî salekê ye ku li Nexweşxaneya Onkolojî, şewat û Telasîmiyayê y a Girêdayî Heyva Sor a Kurd xizmeta bijîşkî distîne. Piştî ku wî ev tecrube jiyan kir, xwest ku em rojekê sax ji dermankirina wî wek beşekî ji jiyana wî ya rojane bibînin. Ne tenê ji bo balê bikişîne ser zehmetiyên ku rastî wan tên, herweha ji bo ku bala dê û bavan bikşîne ser lêpirsîna zû û destwerdana lezgîn, ku ji bo başkirina tenduristî û jiyana zarokên telasîmiyayê girîng e. parvekirina Fêsel ji serpêhatiya wî re bangeke lezgîn e di warê pêşkêşkirina lênerîna tenduristî û piştgiriya pêwîst ji van zarokan û malbatên wan re. Hêjaye gotinê ku nexweşxane xwînê rojên Duşem û pêncşeman digre.
 
 
https://www.youtube.com/watch?v=Zfw-iYljqmA&t=14s

Desteya Hundirîn ,Heyva Sor a Kurd Spas dike

/in , , /by

Desteya Hundirîn a kantona Gizîrê spasnameyekê ji Rêxistina Heyva Sor a Kurd re pêşkêş dike, li ser karûbarên wê yên tenduristî û mirovî li herêmê, taybet li ser xebatên pewerdekirina civakê di warê berevaniya sivîl û alîkariya yekemîn ku endamên Desteyê jî tê de derbas bûne.

penaberiya ji Lubnanê ber bi herêma Şehbayê ve, zordariyeke nû li zordariyên penaberiyê û koçberiyê yên kevin zêde dike

/in /by

Rewşa penaberiya ji Lubnanê ber bi herêma Şehbayê ve, zordariyeke nû li zordariyên penaberiyê û koçberiyê yên kevin zêde dike. Gelek kes ji wan bûne şahidên heman senaryoyê ku berê di encama dagirkeriya Tirkiyê de neçar man ji bajarê Efrînê dekevin , ku paşê xwe di kampên li bajarên wekî Heleb an Lubnanê de bibînin û jiyaneke ewle ji malbatên xwe re dûrî şer û aloziyan bigerin. Di rewşa heyî de herêmên Şahbayê careke din deriyên xwe vedikin da ku kesên ji ber şerê heyî yên li Lubnanê direvin pêşwazî bikin û li wir rastî rastiyeke bi êş tên ku hin ji wan di kampan de bi malbatên koçberbûyî yên berê re dijîn, hin din jî ji ber tunebûna ti stargeh an jî piştevaniyê zehmetiyan dikişînin. Di vê çarçoveyê de insîyatîfên Heyva Sor a Kurd di xebatên mirovahî de berdewam dike û madeyên bingehîn ên wekî isfinc , betanî û selikên metbexê li malbatên koçber ên kampa Serdam hatin belavkirin û ev yek jî bû sedema sivikkirina êşa wan û nîşana rihê hevgirtina civakî.

Nexweşxaneyên herêmî pesnê xebata tîmên bijîşkî didin

/in , /by
Rêxistina Heyva Sor a Kurd li deverên ku lê amade ye ji bo leza bersivdayînê û xizmetên bijîşkî û mirovî ku ji bo sûdmendan pêşkêş dike, pesin û teqdîreke berfireh ji hemû beşên civakê werdigire. Tîmên tenduristî û mirovî yên girêdayî Heyva Sor a Kurd karîbûn bi awayekî baş xwe bighînin hemû herêmên Bakur û Rojhilatê Sûriyê da ku xizmetên awarte û pêwîst ji şêniyan re pêşkêş bikin.
HSK û tîmên wê yên bijîşkî spasî û rêzdarî ji nexweşxaneyên xwecihî li hemû herêman werdigirin, di encama dilsozî û dilpakiya wan di pêkanîna erkên ku ji wan re hatine destnîşankirin de . Ev jî asta pabendbûn û berpirsyariya civakî ,ya ku Heyva Sor a Kurd di xizmeta civaka Bakur û Rojhilatê Sûriyê radike , nîşan dide.

Xizmetên Navenda Lênihêrîna Tenduristiya Seretayî ya Cirniyê

/in , , , , , /by

Navenda Heyva Sor a Kurd ku xizmeta şêniyên navçeya El-Cerniye û 69 gundên derdora wê dike, yek ji aliyên ku xizmetên tenduristiyê yên seretayî yên baş pêşkêş dike, hejmara şêniyên ku ji van xizmetguzariyan sûd werdigirin. Nêzîkî 43 hezar kesî ne, û rojane nêzîkî 200 nexweş li beşên cuda tên pêşwazîkirin. Di nav bera kilînkên hundirîn, jin û zarok , beşê lezgîn û jidaykbûna xwezayî .Herwiha pêşkêşkirina perwerdehiya tenduristî li hundir û derveyî navendê û despêkirina rûniştinên piştgiriya derûnî, laboratûwarek ji bo pêkanîna analîzan û dermanxaneyek jî heye. Ji bo veguheztina bilez û bilez ji bo rewşên acîl, ambûlansek 24 saetan ji bo ku nexweşan veguhezîne nexweşxaneyên li Tebqayê, ku 68 km dûrî navendê ye, an jî Reqa, ku 100 km dûr e.
Hebûna navenda Heyva Sor a Kurd li vê herêmê weke faktoreke diyarker ji bo baştirkirina kalîteya lênerîna tenduristiyê ji xelkê re tê dîtin û ev yek jî dibe alîkar ku şêniyên herêmê li ser girîngiya pêşîlêgirtin û lênihêrîna bingehîn a tenduristiyê bidin zanîn.

Alî yê zarok piştgirya berdewam distîne heya ji şewatê saxlem bibe

/in , /by

  Alî yê zarok piştgirya berdewam distîne heya ji şewatê saxlem bibe  

Rêxistina Heyva Sor a Kurd çar hevalên xwe oxir dike

/in , , /by
Em Rêxistina Heyva Sor a Kurd bi xemgîniyeke mezin çar rêhevalên xwe :
Luay Mihemed Bekir, Hesen Ebdulrehman Heydo, Mihemed Ebdullah El-Osman, Elî Osman El-Casîm radighînin , ku di roja pêncşemê 14-03-2024an de li ser rêya Dêrezorê di encama qezayeke trafîkê ya bi êş de jiyana xwe ji dest dan ku ji bo karên xwe yên mirovî li wir bi cih bînin. Di serî de sersaxiyê û hevxemiya xwe ji malbatên wan re dixwazin û em jî weke Heyva Sor a Kurd êşa wan dikişînin, di vê dema dijwar de ji bo derbaskirina vê bûyera giran sebreke mezin ji wan re dixwazin.
Her çar rêhevalên me Luay Bekir, Hesen Heydo, Mihemed Osman û Elî Casim wê di bîranîn û dilê me de bimînin û em ji Xwedayê mezin hêvî dikin ku wan di bexçeyên xwe yên fireh de bihewîne û di van rojên dijwar de sebirê bide malbatên wan. Em jî ji wan re sersaxiyê dixwazin.
Çar rêhevalên me :
Luay Mihemed Bekir
Navê Dayikê: Ezîz Mihemed
Dîroka jidayikbûnê: Tal Temr 1994
Dîroka tevlîbûna Heyva Sor a Kurd: 2018
—————————————-
Hesen Ebdulrehman Heydo
Navê Dayikê: Zerka Elî
Dîroka Jidayikbûnê: Dirbêsiyê – 1983
Dîroka tevlîbûna Heyva Sor a Kurd: 2020
————————————————
Mihemed Ebdullah El-Osman
Navê Dayikê: Afaf El-Osman
Dîroka Jidayikbûnê: Tel Şeyeb 2000
Dîroka tevlîbûna Heyva Sor a Kurd: 2024
———————————————— —
Elî Osman El-Casim
Navê Dayikê: Enûd
Dîroka jidayikbûnê: Dêrezor – Hemar El-Elî 1987
Dîroka tevlîbûna Heyva Sor a Kurd: 2024
 

Wîsam çareke din zaroktiya xwe di nav hevalên xwe de dijî

/in , , /by

 

Êşa  Wîsam û malbata wî dest pê kir dema kurê biçûk lingê xwe yê rastê winda kir ji ber lîstina bi bermahiyên şer li gundê wî yê girêdayî bajarokê Holê di sala 2015an ku êdî nikaribû jiyana xwe bi awayekî asayî berdewam bike, heta ku bi bavê xwe re serdana Navenda Protêz, Dermankirina Fîzîkî û Piştgiriya Derûnî ya Heyva Sor a Kurd li bajarê Qamişlo kir da ku careke din jiyana wî ronî bû û karibû bi derdora xwe re têkiliyan çêtir bike, navend bi malbatê re di têkiliyê de ye da ku bi protezê re rehet bibe û sererastkirinan pêk bîne her carê bi mezinbûna wî re.

Panorama xebata Heyva Sor a Kurd di sala 2023an de

/in , , , , , , , , , /by
Dı sala borî de ku herêm dı nav şert û mercên dijwar de derbas bû, Heyva Sor a Kurd bi hemû hêz û îmkanên xwe ve bi dilsozî xizmetên xwe bêşkêşî civakê dıkır.
Heyva Sor a Kurd di sala 2023’an de gelek xizmetên mirovî û tenduristiyê pêşkêşî (1,215,216)
jı mirovên herêmê kir.
Di nav van xizmetguzariyan de peydakirina lênihêrîna tenduristî, alîkariya yekem, xızmetên protez, perwerdehiya tenduristiyê, parastin, piştevaniya derûnî û baştirkirina av û paqijiyê hebûn.
Hıjmara wan kesên ku ji wan xizmetên bê sînor sûd wergırtın bı vî rengîne:
(816644 )sûdmend ji xizmetên tendurstî
(3522) sûdmend ji xizmetên navenda pirotêza bi hemû beşên xwe
(816644) sûdmend ji xizmetên perwerdekirina tendurstî
(5130) sûdmend ji xizmetên pirograma parastin
(9372) sûdmend ji xizmetên pirograma piştgirya Derûnî
(10000) sûdmend ji xizmetên pirograma av û psaqijî /WASH/