Pêşvebirina paqijiyê li stargehan: Heyva Sor a Kurd piştgiriya xwe ji bo kesên koçber berdewam dike.
“Heyva Sor a Kurd bi piştgiriya xelkê Başûrê Kurdistanê piştgiriya xwe ji bo koçberên li Kerkûkê didomîne.”
Tîmên Heyva Sor a Kurd bi berdewamî xebatên xwe yên mirovahî didomînin, ku di vê çarçoveyê de 526 kes ji malbatên koçber li stargehên penaberan li “girkê Legê” hatin armanc kirin û sêtên xwarinê ji wan re hatin belavkirin.
Ev piştgirî bi dilsozî ji hêla gelê Başûrê Kurdistanê ve, li herêmên Hacî Awa، Pêncwîn û Ranya hatiye pêşkêş kirin
Heyva Sor a Kurd kampanyaya klînîkên gerok li gundên Dêrik, Qamişlo, Amûdê û girkê legê dest pê kir
Di çarçoveya hewldanên me yên berdewam de ji bo gihîştina gelê me yên gundewaran, Heyva Sor a Kurd dest bi kampanya klînîkên gerok li gundên Dêrik, Qamişlo, Amûdê û Girkê Legê kir.
Ev klînîk xizmetên tenduristiyê yên cuda pêşkêş dikin, di nav de lênerîn, dermanên ji bo nexweşiyên giştî û kronîk, her wiha belavkirina şîrê zarokan û pempers û di heman demê de bi rêya broşûran belavkirina hişyariya tenduristiyê li ser paqijî û tenduristiya giştî.
Kampanya me berdewam e ji bo ku em bigihîjin herî zêde kesên hewcedar, çimkî tenduristî mafê hemûyan e.
Heyva Sor a Kurd piştgiriya xwe ji bo koçberên li Hesekê didomîne.
Bi piştgirîya desgeha xêrxwazê Karkûkê, Heyva Sor a Kurd dest bi belavkirina paketên xwarinê kiriye li ser malbatên koçber ên li stargehên li bajarê Hesekê.
Ev gav berdewamiyeke kampanyaya ku berê li Qamişlo, Amûdê û Tirbespiyê hatibû kirin e û dê belavkirin bidome heta ku hemû malbatên hewcedar werin gihandin.
Bi hev re… em berdewam in ku bigihîjin her kesê ku li benda
alîkariyê ye
Heyva Sor a Kurd piştgiriya darayî dide nexweşên penceşêrê ..
Di 13ê Nîsana 2026’an de, di çarçoveya xebatên me yên mirovahî de, Heyva Sor a Kurd bi hevkariya Rêxistina Amalê alîkariya darayî bi qîmeta 100 dolar û bi seleya xwarinê pêşkêşî nexweşên kanserê ji koçberên Serêkaniyê li bajarê Hesekê kir.
Di vê rojê de 18 nexweş jê sûd wergirtin û alîkarî dê ji bo mayîn berdewam bike heta ku hejmara giştî bigihîje 29 kesan.
Bi hev re, em li kêleka kesên ku herî zêde hewcedar in dimînin.
