Heyva Sor a Kurd mehek tijî çalakî û kampanyayên hişyarkirinê bi dawî kir.

/in , , , /by
Heyva Sor a Kurd mehek tijî çalakî û kampanyayên hişyarkirinê li ser tespîtkirina zû ya penceşêra pêsîrê bi dawî kir. Di nav wan de cûrbecûr çalakî hebûn wekî: maratonek werzîşê bi hevkariya tîma ez bisklêt dixwazim û rêxistina Hez; sêmînerên hişyarkirinê bi hevrêziya Desteya Tenduristiyê û Weqfa Jinan li Hesekê, Qamîşlo û Dêrikê û li hemî xal û komînên Heyva Sor li Bakur û Rojhilatê Sûriyeyê hatin lidarxistin.
Nexweşxaneya onkolojiyê ya Heyva Sor a Kurd di wergirtina hejmareke mezin ji jinan ji bo pişkinîna zû de roleke mezin lîst, ku baweriya civakê bi hewildanên ku têne kirin nîşan dide.
Di vê mehê de, karmendên tenduristiyê ji bo nasandina fedakarî û pabendbûna wan a ji bo bilindkirina hişyariyê û teşwîqkirina jinan ji bo pişkinînê hatin xelatkirin.
Tevî bidawîbûna Meha Hişyariya Penceşêra pêsîrê, xebat di tevahiya salê de li nexweşxaneya onkolojiyê berdewam dike, ku heta niha ji 210 jinên bi penceşêra pêsîrê re derman peyda kiriye – ji ber ku hêvî qet bi dawî nabe.

Gavek Zû Jiyanek Nû

/in , /by

#Gavek_Zû_Jiyanek_Nû

Di Meha Pembe de Nexweşxaneya Onkolojî û Talasemiyê – Heyva Sor a Kurd bangewazî jina dike ku pişkinîna zû jiyanan te diparêze. Bi gaveke hêsan a îro, hûn dikarin xwe û pêşeroja xwe biparêzin.

Gava Zû… Jiyaneke Nû

/in , , /by
Bi slogana “Gava Zû… Jiyaneke Nû”, ofisa Jin a Heyva Sor a Kurd kampanyaya xwe ya Meha Pembe ji bo hişyarkirina li ser tespîtkirina zû ya penceşêra pêsîrê didomîne.
Di vê çarçoveyê de, îro li Navenda Çandî ya Mihemed Şêxo li Qamişlo ji bo jinan simînerek hişyarkirinê hate lidarxistin, ku ji hêla Dr. Orama goriyê ji Nexweşxaneya Heyva Sor a Kurd ve hate pêşkêş kirin.
Di semînerê de, ji bilî tekez li ser pêwîstî û girîngiya tespîtkirina zû di pêşîlêgirtin û dermankirinê de, girîngiya aliyê psîkolojîk û bandora wê li ser nexweşiyê hate nirxandin.
Tesbîtkirina zû gaveke piçûk e… lê ew dikare di rizgarkirina jiyanekê de ferqek mezin çêbike.

Di meha pembehî de, em bi bîr tînin ku pişkinîna zû ya penceşêra pêsîrê jiyana te diparêze

/in , , /by
Di meha Cotmehê de, em bi bîr tînin ku pişkinîna zû ya penceşêra pêsîrê  jiyanan rizgar dike.
Pişkinîn ne tirsnak e, ew yekî dil xweş dike.
Pênc deqe ji dema we dikare ferqek mezin çêbike, ji ber ku tespîtkirina zû mifteya dermankirina bilez e.
Li Nexweşxaneya Onkolojî û Talasemiyê, em pişkinînek tevahî ya belaş pêşkêş dikin.
Li benda nîşanan nemînin; îro tevbigerin.
Tenduristiya we hêjayî wê ye, û hişmendiya we hêza we ye

348 kesan ji kampanyaya “Guhertina Helwestan li hember Xwekuştinê” sûd wergirtin

/in , /by
Bi boneya Roja Pêşîlêgirtina Xwekuştinê ya Cîhanî – 10ê Îlona 2025an, Heyva Sor a Kurd li navendên piştgiriya psîkolojîk kampanyayek hişyariyê ya neh rojî bi dirûşmeya “Guhertina têgihîştina serdest a xwekuştinê” da destpêkirin. Armanca kampanyayê şikandina damxeya civakî ya li dora vê mijara hesas, rastkirina têgihiştinên xelet û baştirkirina gihîştina xizmetên piştgiriya psîkososyal bû.
Kampanya li navendên li Hesekê (Şedadî, Hol, Waşokanî û Tel Temr), Qamîşlo (Ma’bade) û Dêra Zorê (Ebû Xeşeb) hate bicîhanîn. Di nav de rûniştinên hişyariyê yên takekesî û komî, belavkirina weşanên zanistî, pêşangehên perwerdehî û parvekirina çîrokên jiyana rastîn ên kesên ku ji xwekuştinê rizgar bûne ji bo belavkirina hêviyê hebûn.
348 sûdmendên rasterast hatin gihîştin, di nav de 56 mêr û 292 jin. Wan spasiya xwe ji bo rûniştinan diyar kirin, ku ji wan re bû alîkar ku xwekuştinê wekî diyardeyek psîkolojîk a bi tecrîd û stresê ve girêdayî fam bikin û fêr bûn ka meriv çawa alîkariyê dixwaze û piştgiriyê dide yên din.

parastina maf û ewlehiya zarokan Li Kampa Newroz

/in , , /by

Li Kampa Newroz, Ofîsa Parastinê ya Heyva Sor a Kurd, bi beşdariya 25 kesan ji saziyên xebatê yên li kampê, perwerdeyek hişyariyê li ser teherruş û tacîz di navbera zarokan de li darxist.
Armanca perwerdê ew bû ku bi rêya zanîndarî, şopandin û hişyarkirinê, beşdarên xebatê alîkar bibin li parastina maf û ewlehiya zarokan û şêweyên wan çavdêr bin.
Di civînê de broşûrên perwerdeyî hatin belavkirin ku tê de agahdariyên bingehîn li ser nasandina teherruşa zarokan, çawa pêşxistina şopandina wan û rêbazên raporkirinê hate danîn.

Rêwîtiya Ber Bi Vejînê Ve

/in , , , , /by
Ibtisam Muhyeddîn Yûsif, jina 25 salî, piştî ku ji ber nexweşiya penceşêrê lingê wê yê rastê qutkirin, heft meh bi êş û dijwarîyan derbas kir.
Lê rêwîtiya Ibtisam nîşan da ku bi hêvî, îrade û alîkariya rast, dikare jiyaneke nû destpê bike. Piştî serdana navenda protez ya Heyva Sor a Kurd, Ibtisam piştgiriya psîkolojîk û terapiya fîzîkî jî li kêlek lingê protez wergirt.Van hewldanên yekgirtî alîkariya Ibtisam kir ku mehên zor û bi êş derbas bike.
Îro, Ibtisam gavên bi bawerî ber bi jiyaneke nû ve diavêje, ku bi hêviyek nû bi lingekî protez ku bû sembola serkeftina wê li dijî nexweşiyê.

insiyatîfên nûjen ji bo piştgiriya nexwşan û tevlîkirina wan di nava civakê de

/in , , , /by

Wekî gaveke nû, li ser çalakî û xizmetên nexweşxaneya onkolojî, şewat û telasîmiyayê tê zêdekirin, niha di riya komek însîyatîfên nûjen ên ku bi taybet ji bo piştgiriya nexweşên zarok û ciwan hatine çêkirin, xebat tên meşandin. Ev înîsîyatîf armanc dikin ku wan di riya hêzkirin û fêrbûna pîşeyên nû, tevî civakê bikin, di nav de fêrbuyîna perwerdeyên hemşîrî, perwerdeyên zimanê Ingilîzî, çalakiyên piştgiriya psîkolojîk û her wekî din di dema mayîna wan a li nexweşxaneyê ji bo dermankirinê.

diyarî û pêlîstok ji bo zarokên Telasîmiyayê

/in , , , /by
Bi înîsîyatîfeke hemû mirovahî û dayîn , Navenda Hîro ya Diyalog û nûavakirinê bi hevkariya rêxistina CARAVAN a Nemsawî komek pêlîstok û çenteyên dibistanê ji odeya piştgiriya psîkolojîk re li nexweşxaneya Onkolojî, şewat û Telasîmiyayê pêşkêş kirin.
Ku hawîrdoreke piştgir û rehet Ji bo zarokên bi nexweşîyên domdar ên wek Telasîmiya, hêvî û xweşbîniyê dide wan.

kilînkên gerok li Reqa û Tepqa

/in , , , , , , /by

 

Serdana kilînkên bijîşkî yên gerok yên Heyva Sor a Kurd bi awayekî dewrî ji wargehên penaberan re li Reqa û Tepqayê ,dibe wesîleyeke aktîv di pêşkêşkirina lênerîna tendurstî ya pêwîst . ji ber ku gihaştina xizmetên bijîşkî ji bo her kesî hêsan dike , çi ji dermankirin,derman,pîştgiriya derûnî ,perwerdehiya tendurstî û şopandina nexweşiyên domdar û her wekî din ku rewşa tendurstiya wan û pakbûn jiyana wan bilind dike.